Page 15 - MIN VOS DEC 18,2015

Ley di cuido di grandi no lo afecta Wit Gele

Kruis

on: December 17, 2015In: LocalNo Comments
Print Email

Awor cu tin e ley di cuido pa nos grandinan esaki lo trece cambio pa maneho di Wit Gele Kruis
su servicio pa cual aki director Gino Goeloe a splica cu no, pasobra esaki ta hopi positivo pa e
calidad di cuido pa nos grandinan.
Wit Gele Kruis ta aplaudi e ley aki pasobra tin ya for di 2008 pariba caba, caminda cu a bin ta
duna keho di cierto casnan priva, cu ta duna cuido no bon y p’esey Wit Gele Kruis a trek aan de
bel e tempo ey caba na diferente ministerio, na diferente departamento tambe, cu tin cosnan no
bon ta pasando na e casnan priva. Awor aki ta di aplaudi cu minister Schwengle a tuma e curashi
y pasa e ley aki y awor aki cambio ta bay bin. E cambio ta pa nos grandinan, pa e calidad di
servicio pa nan. Esey ta nifica cu ta bay tin inspeccion den e casnan priva y tambe riba e calidad
di servicio, riba e parti di cuido en general y tambe riba e parti di siguridad, unda cu casnan aki
mester cumpli cu cierto normanan di siguridad por ehempel pa candela, pero tambe si e persona
ta cushina den e cas, tambe e parti di higiena. Cu e cuminda ta wordo bon cushina, etc. Tur esaki
ta poni den e kaderwet, na unda cu e casnan aki ta bay wordo vigila mas di cerca y tambe pa
asina aki e grandi por wordo bon cuida riba un standard halto. Sa cu e ley aki ta bay dura un