Page 16 - MIN VOS DEC 18,2015

temporada, sigur algun aña prome cu e wordo concretisa. Pero awor aki nos ta na caminda pa
mehora e cuido y esey Wit Gele Kruis a para tras di dje, pasobra e kehonan tabata drenta
regularmente, cu grandinan ta wordo mara na cama, nan ta wordo maltrata fisicamente,
grandinan den e caso aki nan bruki ta wordo cambia for di mainta, te anochi bek. Den e caso aki,
grandi ta keda cu e sushi di mainta te parti anochi. Tin cierto di e kehonan aki cu awor aki, cu e
ley aki ta bay cambia esey pa un bon cuido y un cuido di calidad pa nos grandinan, cu nan tin
derecho riba dje, segun Goeloe.
Tin hopi famia tin duda di casnan di cuido. Ora cu e ley aki pasa, kisas mas famia lo haya mas
confiansa pa hinca nan mayor den un cas di cuido. E volumen di servicio pa Wit Gele Kruis por
baha, pero nan ta prepara pe. Aruba ta birando grandi, cu ta algo bunita atrobe, pero si papia
awor aki tin un wachtlijst di riba 50 hende cu ta wardando cuido. No por duna cuido pasobra no
tin e manpower pa cuida e grandinan aki. Si e hendenan aki por haya un otro luga pa cuida nan,
lo ta hopi bon, den e caso aki, pero un cuido di calidad halto. Esey ta loke Wit Gele Kruis ta boga
pe.
A puntra Goeloe con nos lo bay haci cu e cuido na cas mes. Pasobra tin famia cu no por paga pa
un cas di cuido. Lo bay duna curso na cas pa e famia sa con pa deal cu esaki, ta loke a puntra sr.
Goeloe.
Hende ta gewoon cumpra un cas y bay cuida hende, esey no ta bon. Mester sa kico ta haci. Den e
caso aki, enfermeria ta un beroepsgroep. E ta algo cu bo ta studia. Aki na Aruba tin diferente
opleiding unda cu tin assistent di un enfermero, tin un verzorger, un verpleegkundige, tur riba
nan nivel di cuido. Manera un verpleegkundige, ta riba un nivel di MBO, un verzorgende tambe
riba un nivel di MBO, e assistent ta un tiki mas abao. Pero e cuido ey ta loke kier. Kier e cuido
halto ey den tur cas.
Ora ta haciendo e trabao di bay na e cas pa duna servicio, Wit Gele Kruis por constata cu e famia
tin biaha no ta prepara of no tin conocemento y kisas nan tambe por wordo envolvi pa prepara
nan mes si nan mes por keda cuida nan grandi of paga pa un otro hende cuida nan grandi, ta loke
a puntra Goeloe. El a comenta cu dos luna pasa a cuminsa cu un curso cu yama un curso pa
mantelzorgers. Mantelzorgers ta pa e famianan. Como Wit Gele Kruis, nan ta bin verzorg e
cliente, bañ’e, verzorg e herida y despues ta bay. E resto di dia ta e famia of tin biaha tin e Alpha
Hulp cu ta cuida e mama y e tata. Pero awor aki ta bisa cu pa educa e famianan tambe di e
grandi. Esey tabata ti un curso unda cu a haci’e pa 25 persona cu a haci e curso aki. A organis’e
na centro Kibrahacha, unda cu e tabata un anochi for di 7’or pa 10’or, unda c e personanan aki a
haya un training over di cuido di un grandi, con ta saca e grandi for di riba cama, pone riba un
rolstoel, of di un rolstoel pone riba cama. Kico tin cu observa ora e grandi ta drumi riba un cama.
A papia di e wisselligging, ora e ta riba cama 24/7, con ta pone e cusinchi pa e grandi riba e
cama, tur esey a haci un prueba cu e clientenan mes. E tabata algo cu e famianan a gusta y awor
aki pa otro aña tin plan pa haci’e den tur bario pa tur hende cu tin un grandi ta cuida.
Ta yuda cu e parti di voeding, alimentacion ta hopi importante pa e grandi y tambe e parti di
remedi. Tambe e parti cu si e grandi ta mobil of ta drumi riba cama, con ta haci esey. Pa asina aki
educa e famianan cu ta cuida e grandi, cu si algo por pasa, cu nan por sa kico nan mester haci
den un situacion asina.
Si un famia dicidi cu no ta hiba e grandi cas di cuido, tin chens pa nan tambe haya curso pa haci
esaki e ora. Pa otro aña ta bay bin cun’e mas grandi, pasobra a hacie e aña aki un testcase, unda
cu a haya fondonan di Cede Aruba, pa por a hacie pa wak con e ta bay y a resulta hopi positivo
cu e famianan cu tin den servicio. Ora a invita e famianan pa participa y den e caso aki Goeloe
tambe tabata presente, unda cu a laga e famianan mes cuida otro, uno a drumi riba cama, nan