Page 52 - MIN VOS DEC 18,2015
P. 52
pasco B1
Diabierna 18 December 2015
Boluntarionan di Valero a
celebra dianan di fiesta na
Centro di Cuido’
SAN NICOLAS – Riba diasabra, 12 di december
2015 un grupo di boluntario di Valero y nan
famia a pasa un dushi merdia yena cu ambiente,
cuminda dushi y bon compania cerca e clientenan
y trahadonan di Centro di Cuido na Palisiaweg.
For di trempan e banda a set up y e zonido di musica
dushi a cuminsa trece e prome invitadonan pa e sala
grandi na e centro. Despues di bailamento riba e
canticanan bailabel di Frank Kock y su agrupacion
tur presente a disfruta di un dushi lunch di cuminda
di Pasco acompaña pa su quesillo. E boluntarionan di
Valero kier a duna danki na Yvonne di Centro di Cuido
na San Nicolas cu a yuda nos haci e evento un exito
completo pa e clientenan y trahadonan. Mientras e
tabata baila y entretene hende grandi Yvonne tabata
coordina cu nos pa tur cos bay bon.
Danki tambe na e trahadonan di Centro di Cuido
cu dia den dia afo ta brinda e bon cuido na hende
grandi. Masha danki! Feliz dianan di fiesta di parti di
tur boluntario di Valero pa pueblo di Aruba. Otro aña
Valero y su boluntarionan lo t’ey atrobe!q
