Page 15 - HOH

Diahuebs, 13 November 2025 AWEMainta BONEIRO 55

Durante ‘Gala of Gratitude’

Stichting Mantelzorg Bonaire

ta pone cuidadonan central

Iniciativanan nobo y vision pa futuro

Banda di celebra e cuidadonan, e fundacion a probecha
e oportunidad pa wak padilanti. Durante e programa a
presenta un iniciativa nobo cu a wordo desaroya specifica-
mente pa sostene e cuidadonan miho y pa conecta nan cu

otro.

E iniciativa nobo aki ta conecta cu e metanan strategico
mas amplio di Stichting Mantelzorg Bonaire. Cu eventonan

manera e gala aki y e introduccion di medionan di apoyo
nobo, e organisacion ta aspira pa reforsa e posicion social
di e cuidadonan mas aleu.

E meta final ta pa haci e rol, hopi biaha invisibel pero esen-
cial, cu nan ta hunga den e cadena di cuido, mas visibel pa
mundo pafo.
DEN un reunion festivo na Plaza Beach Resort, Stichting

Mantelzorg Bonaire a expresa su aprecio diadomingo ultimo
pa e cuidadonan (‘mantelzorgers’) riba e isla.

E evento, titula ‘Gala of Gratitude’, tabata dedica na recono-

cemento pa e rol crucial y indispensabel cu e dunadonan di
cuido aki ta cumpli cu ne den sociedad Boneriano.

E gala a sirbi no solamente como un gradicimento pa e dedi-

cacion incansabel di e cuidadonan, pero tambe a funciona
como un plataforma pa conscientisacion.

Central tabata e tema di cuido propio (‘zelfzorg’), un aspecto

cu hopi biaha ta bini na di dos luga pa hopi dunado di cuido.

Enfoke riba cuido propio: “Mi Merece”
Un di e momentonan culminante di e anochi tabata e

discurso di orado invita Siagnée Evertsz. El a dirigi su mes
na e presente bou di e lema “Mi Merese”.

Evertsz a enfatisa den su discurso inspirativo cu cuida bon

di un otro persona ta posibel solamente ora un hende cuida
bon di su mes tambe.

Su mensahe central tabata: “Bo no por duna loke bo no tin”.

Cu esaki a subraya cu e bienestar di e cuidado ta esencial pa
e continuidad y calidad di e cuido cu nan ta brinda.