Page 19 - MIN VOS 13 APRIL 2016

Tema di uzo di zorgpas di otro hende pa por haya servicio

medico sigur a yama atencion

on: April 12, 2016In: LocalNo Comments
Print Email

Riba e tema di e dama cu a perde su bida na hospital cu tabata na estado, a keda cu hopi interogante
con el a keda registra na hospital uzando zorgpas di un otro hende. A papia cu director di AZV, Anko
Ringeling pa sa con esaki por ta posibel cu un hende ta uza un zorgpas di otro hende pa haya servicio
medico.
E ehecutivo a splica cu e no ta kere tin un free for all cu esaki ta sosode. E dunado di cuido tin e
responsabilidad, e obligacion cu si un persona presenta cerca dje cu e mester wak, tin potret riba e
carchi. Awo si a falsifica semper por. E unico cos cu Ringeling a bisa, cu si detecta esey, ta cobra bek tur e
gastonan, cual a yega di haci den pasado.
Si ta hospital, un dokter di cas of specialista, mester percura pa check e carchi di e persona concerni.
Mayoria di nan pashentnan nan conoce, pero siguramente si ta un pashent cu ta wak pa prome biaha,
nan tin e obligacion pa check si e persona riba e carchi di AZV ta e persona cu ta para su dilanti.
Ringeling a splica cu e no conoce e sistema cu ta waterdicht. Ringeling a ripiti cu tur dunado di cuido tin
e obligacion si e persona su dilanti ta cuadra cu esun riba e carchi. Si esey no wordo detecta na hospital
y berdaderamente potret ta otro cu e persona cu a presenta eynan, e ora lo ta un descuido di parti di
hospital. Mester check esey mas miho. Esey ta conta pa tur e dunadonan di cuido. Dokter di cas,
specialista, botica, tur.
Si en caso esaki a sosode cu un otro resultado hospital por bisa cu e ta bay verhaal’e riba e doño di
carchi of un hende cu tin cu para responsabel pa esey, riba e doño di curpa tambe, pasobra el a haya e
cuido, Ringeling a finalisa.
http://masnoticia.com/tema-di-uzo-di-zorgpas-di-otro-hende-pa-por-haya-servicio-medico-sigur-yama-
atencion/