Page 15 - MIN VOS 13 APRIL 2016

Salud E alcance di e virus di Zika ta mas alarmante di loke nos

a pensa inicialmente, expertonan ta adverti

on: April 12, 2016In: Life StyleNo Comments
Print Email

“Tur loke nos ta wak di e virus aki (di Zika) parce ta un poco mas alarmante di loke inicialmente nos a
pensa,” dokter Anne Schuchat, directora adhunto di e Centronan pa Control y Prevencion di
Enfermedadnan (CDC) di Merca, durante un conferencia di prensa na Cas Blanco dialuna.
Riba e mesun liña, dokter Anthony Fauci, director di e Instituto Nacional di Alergia y Enfermedadnan
Infeccioso di e Institutonan Nacional di Salud (NIC), a comenta cu “Cuanto mas nos sa, mas preocupa nos
ta pa e alcance cu e virus aki ta haciendo,” el a bisa.
Ambos a recorda cu tur dia, nan ta conoce algo nobo riba e virus y a revisa loke nan a haya sa den e
ultimo dos simannan.
E enfermedd transmiti pa sangura, ta un di e causanan di microcefalia, segun e Organisacion Mundial di
Salud, pero Schuchat a bisa cu expeertonan awo ta vinculando e virus cu nacimento prematuro,
problemanan ocular y otro enfermedadnan neurologico den e recien naci nan di mamanan cu a wordo
infecta durante embaraso. E preocupacionnan aki no ta limita na e exposicion na e virus durante e
prome trimester di embaraso, sino cu tin rasonnan pa ta preocupa durante full e proceso.
Fauci a bisa cu investigadonan ta trahando den su obhetivo di inicia e ensayo clinico di un vacuna na
September. Tambe el a bisa cu su ekiponan a proyecta 62 medicamento existente como posibel
tratamento.
Di un otro banda, e revision di e mapanan di vigilancia di e sangura portador di Zika, Aedes Aegypti, ta
mustra cu e insecto por ta mas extendido di loke a pensa anteriormente, a yega nort na ciudadnan
manera San Francisco y New York.
Te cu awor aki, tabata tin por lo menos 346 caso di e virus riba teritorio continental di Merca, di acuerdo
cu CDC. Mayoria di nan ta pashentnan cu a bin di pais y teritorionan afecta den actualidad.
Riba teritorionan Mericano di Puerto Rico, Samoa Americano y Islanan Virgen Mericano a registra 354
caso di e virus te na e momento aki, mayoria ta transmision local den su climanan tropical. Schuchat a