Page 13 - MIN VOS 13 APRIL 2016

Nutricionista dietista Ebrina Curet riba Dia Mundial di SaludTa

importante pa conscientisa hobennan riba diabetes

on: April 12, 2016In: LocalNo Comments
Print Email

Dia 7 di April sigur tabata un fecha caminda cu a conscientisa Aruba y nos hobennan riba e retonan cu
nos salud ta confronta awendia. Tabata un dia hopi importante pa conscientisacion, segun Ebrina Curet,
kende ta e dietista/nutricionista na Jeugdgezondheidzorg di Departamento di Salud Publico. El a splica
cu mester cuminsa di tempran na siña e muchanan custumbernan saludabel. Motiva nan pa come fruta,
berdura, productonan di grano henter y tambe ta importante pa reduci e cantidad di productonan cu
hopi vet y sucu.
Riba dia Mundial di Salud a enfoca riba diabetes pa muchanan, pa nos no custumbra nan cu hopi
producto di sucu, por ehempel bebe hopi juice y/of refresco, caminda ya eynan por haci un impacto
grandi riba prevencion pa asina reduci e riesgo di obesidad y e desaroyo di diabetes.
Pa e mucha ta algo normal pa e tin e custumbernan aki si nunca nan no a siñ’e diferente. Mester
custuma e mucha cu e tin cu bebe awa. Esaki ta algo hopi facil. Nan no mester ni juice ni refresco. Awa
ta forma parti di un menu saludabel. E ta e nutriente di mas importante cu nos tin mester. Custuma e
mucha bebe awa y e ora kisas como extra e por haya un paki di juice cu ta 100%, cu no tin extra sucu
agrega.
Desayuno ta hopi importante. Mester ta un custumber mescos cu skeiro djente. Nos mester skeiro
djente tur dia. Ban haci desayuno un parti automatico, cu asina tur dia mester ta. Esaki caba ta dos cos
hopi facil cu por cuminsa na dje y ta hunga un rol hopi grandi riba prevencion.
Ebrina Curet a splica cu ta nota e fenomeno di diabetes tipo 2 hopi den mucha, cu nan ta keda cu ne ora
nan bira adulto tambe. Mas y mas investigacion ta mustra cu diabetes tipo 2 ta bay directamente cu
sobrepeso y obesidad den mucha. Ta hopi importante pa cuminsa evita cu e mucha no yega na e
sobrepeso y asina yuda preveni diabetes tipo 2 tambe.