Page 10 - MIN VOS 13 APRIL 2016

AZV tabata tin un crecemento hopi modera riba su
gastonan

on: April 12, 2016In: LocalNo Comments
Print Email

Durante conferencia di prensa yama pa AZV, director, Anko Ringeling, a splica riba nan rapport
anual di cu mester ser saca prome cu 1 di April. Esaki ta di 6 aña cu AZV ta logra esaki.
Por ripara cu pa aña 2015 tin un crecemento den gastonan total cu ta hopi modera. 1.2%. E
gastonan total compara cu gastonan di 2014, a subi na 2015 cu 1.2% cu ta un crecemento hopi
modera. Si compar’e internacionalmente tambe. Si wak e tendencia ey cu e gastonan ta
aumentando anualmente na un speed modera ta un paar di aña esey ta e caso caba. Si corda
prome cu 2010/2011, tabata haya un crecemento di alrededor di 5 pa 6% anualmente si compara
cu e añanan proyecta. Desde 2011, e crecemento ta hopi modera.
Si wak kico por spera pa e añanan nos dilanti, pues e proyeccion pa e periodo 2016/2019, kico
por spera di esey. E ora mester remarca cu den transcurso di e añanan aki, tin cierto desaroyonan
cu ta pone cu ta kere cu lo bay tin un crecemento poco mas halto.
Pero pa e añanan nos dilanti tin su retonan pa loke ta e hospital nobo y Imsan, cu lo bay bin cu
servicionan cu lo bay cay bou di AZV segun Ringeling.
Awor aki ta referi na e construccion cu ta tumando luga pa nos hospital na Eagle, una bes cu tin
mas espacio y tin cu yena e espacionan aki tambe, e ora AZV ta kere cu esey ta bay conduci na
mas gasto anualmente. Den e caso aki pa hospital.
Un otro parti cu ta importante tambe cu tin cierto desaroyonan cu ta tumando luga na Imsan
pariba di brug. Tin algun trayectoria cu nan ta preparando pa wordo implementa y ta calcula cu
for di aña 2017/2018, e proyectonan ey lo keda realisa tambe. Ta papiando e ora ey di
ampliacion di e OK. E intencion ta for di aña 2017/2018, tambe por opera eynan, caminda e
hendenan riba e mesun dia nan por bay cas y fuera di esey na 2018 lo por cuminsa cu e
radioterapia. Esey ta pone cu manera por wak, cu for di 2017 ta wak un aumento den gasto cu ta
toch substancialmente mas halto cu e crecemento cu tabata tin den e periodo desde 2010/2011.
Esey mester tene cuenta cune, Ringeling a splica.

http://masnoticia.com/azv-tabata-tin-un-crecemento-hopi-modera-riba-su-gastonan/