Page 12 - MIN VOS 13 APRIL 2016
P. 12
tende for di dokter por ehempel cu nan riñon ta lek, ta spanta asina hopi cu nan ta haci tur cos y ta spera
cu den e casonan aki, no ta mucho laat.”
One Happy Island hopi bes kiermen hopi comemento, hopi bebemento, tiki movecion. Esey ta nifica cu
nos tin hopi caso di obesidad. For di chikito te grandi y e sobrepeso ey ta un di e factornan, si no ta esun
mas grandi, cu ta trece diabetes tipo 2 cu ne. Pesey, pa nan controla nan diabetes, ehercicio ta hopi
importante. Controla kico ta come y bebe, tambe controla e nivel di sucu den sanger.
Segun de Graf, e prome paso ta baha e cantidad di producto di hariña cu nos ta come. Nos tayo semper
tin aros, batata, macaroni and cheese, salada di batata. Tur ta hariña y esey ta hopi sucu. Riba conseho
pa come menos, hopi biaha pashentnan ta bisa cu “mi ta un homber grandi mi no por come esey so”.
Pero toch ta eynan tin cu cuminsa. Si nos no por controla cuanto nos ta come, nos sucu semper ta bay ta
halto. E otro cos dificil ta, elimina sucu den te y koffie.
No tin edad pa diabetes, pues for di mucha te cu hende grandi, nos mester ta mas consciente di biba
saludabel, come saludabel y move mas.
