Page 17 - MIN VOS 13 APRIL 2016

SVb autonomo celebrando 30 Aña y ta keda innova su servicio

on: April 12, 2016In: LocalNo Comments
Print Email

Den luna di Maart SVb a introduci un servicio nobo digitalisa MiPensioen pa su clientenan rond mundo.
Cu gran satisfaccion por a nota cu durante di e prome luna di su introducciom ya caba tin decenas di
pensioando ta hacienda uzo di e servicio aki.
E servicio aki ta duna e posibilidad na e cliente pa por haci uzo di servicionan di SVb on line. Un portal di
internet cu ta haci posibel pa print algun documento y manda e-mail na e Departamento di Pensioen. Na
e momento aki por print e “jaaropgaaf”, “inkomensverklaring”, “herziening mutatie” y un “toelichting”
di AOV.
Actualmente pensionadonan ta ricibiendo un carta na cas cu informacion con pa bira usuario di e
servicio nobo aki “MiPensioen”. Como servicio adicional, na oficina di Pensioen den Vondellaan, a instala
computer specialmente pa e pensionado por registra y tambe haya splicacion personalmente di e
servicio nobo aki.
Como parti di introduccion di e servicio nobo aki na comunidad lo presenta MiPensioen pa medio di un
Infomercial na tur tres canal di television. SVb ta invita tur pensionado y henter comunidad pa sintonisa
ATV Canal 15 diamars 12 di April pa 7.25 pm net prome cu Noticia Awe Nochi pa wak e splicacion di con
por registra y bira usuario di e servicio nobo aki. Invitacion ta keda extende tambe pa sintonisa 13 di
April diaranson anochi durante di Telenoticia na Tele Aruba y Canal 22 diahuebs dia 14 di April durante
di e noticiero principal.
SVb ta participa cu e clientenan cu no tin computer na nan disposicion nos oficinanan lo keda duna e
servicio manera semper. Un recordatorio ta cu riba diaranson merdia SVb su oficina na Vondellaan ta
sera parti merdia y na san Nicolas henter dia.
Banco di Seguro Social di Aruba su meta ta pa keda innova y haci cambio den su sistemanan pa asina
sirbi su pensionadonan rond mundo mas miho posibel