Page 11 - MIN VOS 13 APRIL 2016
P. 11
Cheryl de Graf riba Dia Mundial di Salud Ta importante pa
pashentnan compronde kico ta diabetes
on: April 12, 2016In: LocalNo Comments
Print Email
Cheryl de Graf, “diabetes Verpleegkundige” na Insituto Medico San Nicolas (IMSan), como profesional
den su ramo durante Dia Mundial di Salud, a splica cu ta importante pa e pashentnan compronde kico
nan tin, kico ta diabetes. Ora nan compronde, nan tin cu sa kico ta e consecuencianan si no sigui e
consehonan cu haya. Tur dia ora pashent acudi na Centro Diabetico, Cheryl de Graf ta splica nan kico ta
diabetes y kico e consecuencianan ta di nan enfermedad. E ta purba di siña nan un estilo di bida
saludabel y kico esey ta encera.
Un estilo di bida saludabel ta come saludabel, haci ehercicio, drumi suficiente, tuma e remedinan
prescribi pa dokter y si nan sigui e consehonan aki, nan por cuida nan diabetes. Si nan no haci’e, e
consecuencianan ta cu e sucu ta mal regla y ta trece complicacion cu ne.
Hopi biaha ta mira cu tin hende ta spanta na prome luga, ora nan tende cu nan ta diabetico y ora nan
spanta, nan ta cuminsa sinti y premira kico nan lo bay haya. Pero tin ta mir’e otro manera. Pashentnan
cu ta pensa cu nan no kier e diabetes y lo bay combatie. Di otro banda tin pashent cu no ta realisa cu
nan tin e y cu ta bisa cu dokter ta fout.
Pashentnan ta pasa door di diferente fase y hopi bes nan mester realisa cu si no trata e sucu bon, nan lo
sinti malo. Hopi biaha nan kier haci bon, pero e custumbernan di antes ta hopi dificil pa cambia den un
solo biaha. E grupo cu por haci esey ta hopi chikito. Cheryl de Graf ta trece dilanti cu: “Nos ta un One
Happy Island y nos estilo di bida ta di come hopi, fiesta, nos ta bebe hopi alcohol y tur esey tin un
influencia riba e persona diabetico. Tin hende mester di dos aña prome cu cambia esey. Tin cu mester
