Page 81 - MIN VOS 13 APRIL 2016

Na anja 2010 ariba peticion di 11.000 firma cu a ser colecta dor di mama di victimanan a lanta un
comison special parlamentario pa investiga e materia y despues di reuni cu tur stakeholders a surgi
diferente recomendacionnan entre otro pa mihor cooperacion, pa haci ayuda mas eficiente cu mas
transparencia y mas liher, pa fortifica e meldpunt “Sostene Mi”, pa mehora e interview di muchanan
entre otro uzando cameras, pa institui un docter di confianza cu ta atende casonan y pa discuti castigo
minimo.
Fraccion di Mep a presenta un mocion na anja 2010 pa pidi atencion pa e asunto y pa castigo minimo.
Awor ta haci wega comosifuera fraccion di AVP tabata contra. Mervin Wyatt-Ras e tempo ey a defende e
ley pa minimum straf y mientrastanto henter Parlamento, esta tur fraccion a presenta tambe diferente
proposicionnan a base di e sondeo di e comision den Staten. Den esaki tambe tabata e asunto di
minimumstraf. Pues fraccion di AVP tambe a bai di acuerdo cu e proposicionnan.
Recientemente desde anja 2014 Parlamento a trata e ley di Codigo Civil den Comision Central di
Parlamento, a reuni cu un cantidad di stakeholders pa haya feedback, entre nan buro Sostene Mi,
Departamento di AsuntonanSocial, Voogdijraad, fundacion Guia Mi, Fundacion Telefon pa Hubentud,
Witgele Kruis, Fundacion pa Nos Muchanan, Imeldahof, Casa Cuna y Orhopedagogisch instituut.
Preguntanan a ser manda y lo kier fortifica den e ley e rol di e buro Sostene Mi. Ta den espera di contesta
di gobierno pa trata e Burgerlijk Wetboek den Reunion Publico.
Den un mocion di Fraccion di AVP cu a ser aproba unanime durante tratamento di presupuesto di 2015 a
urgi gobierno pa cuminsa fortifica Buro Sostene Mi y esaki a tuma lugar.
Segun Mervin Wyatt-Ras nos leynan ta in place. Pues nos leynan a ser cambia. Castigonan ta mas halto.
E maximo castigo pa abuso ta 12 anja. Sinembargo den practica e castigonan cu ta ser duna ta bao di 2
anja. Esaki ta nada en comparacion cu e consecuencianan grandi pa e mucha/hoben victima, locual ta
percepcion di nos pueblo. Den pasado a yega di papia cu Ministerio Publico tocante e castigonan abou y
por bisa cu no ta intencion di sinta riba stul di ministerio publico. Loke ta haci castigo dificil ta cu abuso
di mucha ta dificil pa prueba dor cu den mayoria caso no tin testigo. Ta e palabra di e mucha/hoben
contra di e abusador. Y e hecho cu ta tarda pa e mucha/hoben papia tocante abuso.
Wyatt-Ras ta haya cu tin cu tuma preocupacion di e tatanan y cualkier cuidadano na serio ora ta trata nos
muchanan y ta importante pa Parlamento por dedica atencion na e materia.
Segun Wyatt-Ras banda di castigo e guia ta di importancia. Tanto pa e victima y su mayor(nan), y
rumannan. Esaki ta ensera “meersporenbeleid” cu cooperacion entre diferente instancia. Ademas ta di
importancia prevencion. Segun Wyatt-Ras ainda nos no tin un curriculum di sexualidad na skolnan. Tin
taboe den nos comunidad pa papia tocante sexualidad cu ta limita papiamento tocante e issue
importante aki. Aki nos tin huiswerk pa haci. Den caso tin problema entre mayornan di un mucha cu ta
ser abusa sexualmente esaki ta haci e situacion pa e mucha mas dificil, dor cu senjalnan di mayornan no
por ser manda pa otro pa preveni problemanan.
Dor cu abuso sexual di menor ta un problema complica no ta facil pa anda cu esaki. Pesey mes Wyatt-Ras
por imagina su mes con dificil esaki ta. Wyatt-Ras a menciona cu colega de Souza Croes, su persona y
coleganan lo bai reuni tocante e asunto aki .

Siman di RCA vs Britannia den doblete Hubenil

Tuesday, 12 April 2016 16:51

Comparti