Page 85 - MIN VOS 13 APRIL 2016

Diabierna dia 8 di april, alrededor di 300 alumno tabata envolvi den e dia deportivo aki, cu a tuma luga
na YMCA y Joe Laveist, unda cu tabatin diferente wega, manera: volleyball, futbol, kickball, trek cabuya,
spijkerpoepen y mas.

Na momento cu e alumnonan di klas 4 inicia nan ultimo aña escolar na Filomena College Mavo, nan ta
cuminsa poco poco cu e preparacionnan pa e dia deportivo aki. Nan mes ta percura pa tur cos,
cuminsando for di escogencia di luga, wega, forma di traha, acerca diferente compania pa haya sponsor
pa e dia, forma e gruponan y planifica e dia den su totalidad. Esaki ta encera un preparacion basta
intenso, pero e ta uno cu e alumnonan ta anhela for di momento cu nan ta den CB1, ya cu cada aña, e
gruponan kier supera e otro. E alumnonan ta haya oportunidad di amplia y descubri nan habilidad- como
potencialnan organisatorio y con pa traha den un grupo grandi pa logra un solo meta exitoso.

E dia aki no tabata posibel sin cooperacion y sosten di e patrocinadornan y p’esey mes mr. Lejuez
conhuntamente cu tur e alumnonan di klas 4 di Filomena College Mavo kier manda un gradicimento
special pa cada un cu a aporta pa e Dia Deportivo ta exitoso un biaha mas: Subway, Pizza Hut,
Domino’s Pizza, Urataca Center, G&C Pizza, Frasa, Tropical Bottling Company, Wendy’s,
Pit Stop, Central Madereinse, Save More, Macro Supermarket, Bright Bakery, Andina Ice,
YMCA y Joe Laveist Sportpark.

Elijah Micay, Lixsandra Bello, Rasheed Lowe, Zahyon Klabér
y Jourdé Klabér a sali best fighters na e di 8 Ultimate
Taekwondo Cup 2016

Tuesday, 12 April 2016 15:15
Comparti

Diasabra ultimo den Centro di Bario Brazil tabata tin desordo di e fanaticonan cu a bay pa apoya nan
atletanan, esaki tabata bisto tambe pa mira ora cu cada biaha cu Elijay Micay subi e veld pa bringa su
fanaticonan no por a keda keto. Master Eric Barry kende ta nos referee internacional a keda sorprendi cu
Elijay Micay cu movecionnan di Taekwondo. Elijay Micay ta sigur un cu lo drenta den e team di TK5.

Lixsandra Bello ta un di e damitanan infantil cu tin un futuro briyante su dilanti si e sigui asina. Rasheed
Lowe tabata tin su mannan yen yen cu Tristen Cijntje, pero na final e la logra gana esaki y e experencia a
hunga un rol grandi pa Rasheed Lowe su pelea, sabiduria y conocimento a hunga un rol grandi tambe.

Záhyon Klabér y Jourdé Klabér a demonstra un tiki di Taekwondo haciendo e escogencia pa ta e mihor
bringador den nan categoria hopi facil pa Master Eric Barry escoge. Master Eric Barry a escoge su mihor
bringadornan door di nan pelea cu nan a bringa. Clifford Rasmijn a wordo escogi como e mihor coach di
dia. Cu 5 mihor bringador di Brazil Taekwondo Stichting y un mihor coach y cu e best team a mustra cu