Page 82 - MIN VOS 13 APRIL 2016

Siman aki ta uno masha interesante den divishon hubenil. Diahuebs pa 6or di atardi na RCA Arena
Britannia U18 lo bishita RCA INTERPRINT den divishon major y diasabra pa 4or di atardi tambe na
RCA Arena Britannia U16 lo bishita RCA INSEL AIR den divishon menor.
Ambos ekipo tricolor ta stabiel den standing preparando pa play-off. Otro acshon e siman aki ta diasabra
mainta den Arena ora Estrella jega cu Mini Babie, Babie y Lifida A. Tambe RCA Deportivo lo subi pariba
di brug na Brazil pa bataya den e categorianan infantil. Tur fans tricolor ta invita pa tur nos weganan.
Tambe ta avisa cu e clash divishon honor RCA BIG WHEEL LOTTERY powered by POWERADE & KFC
vs Nacional/Washington diasabra anochi 8:30 den CDGPT a keda cancela pendiente un fecha nobo.
#RCAPABIDA

Atleta clasifica pa e Weganan Olimpico RIO 2016: Nicole van
der Velden(Sailing Nacra 17)

Tuesday, 12 April 2016 16:33
Comparti

Den fechanan 5 – 21 di augustus proximo, e evento deportivo mas grandi di mundo lo tuma luga na Rio
de Janeiro, Brazil. E di 31 edicion di e Weganan Olimpico lo conta cu un participacion di 10.500 atleta for
di e 206 paisnan miembro di Comite Olimpico Internacional. Pa prome biaha den historia di deporte
Arubano, e delegacion di Aruba lo competi cu te cu awor 6 atleta clasifica.
E atletanan aki cada uno a gana e derecho pa participa na e Weganan pa medio di clasificacion. Un di e
atletanan aki ta Nicole van der Velden di sailing cu hunto cu su partner Thijs Visser na juli aña pasa
tabata e prome atletanan den historia di Aruba su deporte cu a logra clasifica pa e Weganan Olimpico.
Esaki ta un bon momento pa nos comunidad y mundo henter sera conoci cu e atleta aki cu lo representa
nos dushi isla na e Weganan di Rio 2016. Nos a combersa cu Nicole unda nos a puntra con e la cuminsa
cu e deporte di sailing, ken tur a motiva su persona, kiko ta su logronan, mensahe di su persona na nos
hoben deportistanan na Aruba, ect. Como hoben Nicole tabata fascina cu lama y nabega, esaki door di su
tata kende ta un fanatico di nabega y semper gusta bai riba lama. Na 12 aña Nicole a cuminsa bay riba e
boto cu su tata, ela siña kiko ta nabega y asina e interes pa practica e deporte aki a bira grandi cerca su
persona. No cabe duda cu su tata tabata e motivacion di mas grandi, paso e semper e tabata push’e pa
Nicole haci tur cos mas miho cu ta posibel y mas cu tur cos pa sigui su soñonan. Nicole semper a gusta