Page 22 - MIN JUS_Neat

AWEMainta Dialuna, 16 October 2017 5

Polis ta detene

un muher kende

tabata stuur bou

influencia y por poco

a ocasiona accidente

DIADOMINGO algo pasa di 4’or di marduga,
polis ta wordo informa cu tin un chauffeur den un
Chevrolet Blazer shinishi coriendo hopi iresponsabel
y kende ta na altura di e turbo rotonde Wendys a
hera ocasiona un accidente.

E auto tabata riba e caminda di Santa Helena bay-
endo direccion pariba, n’e rotonde di Ponton el a
bay ariba.
Mesora un patruya policial, cu tabata den Hubadas-
traat a top’e un poco pariba di e rotonde di Ponton,
y na altura di Daltonstraat nan logra para e auto.
E agentenan a nota cu tabatin dos dama den e auto,
e dama na banda tabata drumi y e dama tras di stuur
tabata mustra basta bebi.
Polis a haci e test di alcohol cu e dama chauffeur
y esaki a surpasa e maximo di alcohol cu ta wordo
permiti pa ley.

E dama chauffeur a keda deteni y mientrastanto e
ocupante a lanta for di soño y e patruya a dune un
lift pa su cas na Piedra Plat.

E dama chauffeur bou influencia no tabata solamente
pone su bida na peliger, pero di e ocupante y
di tur otro persona cu tabata e momento ey riba caya.

E dama a wordo transporta cu transportwagen di Po-
lis pa Warda di Polis, caminda e lo a haya un cuarto
gratis pa descansa.