Page 27 - MIN JUS_Neat

AWEMainta Dialuna, 16 October 2017 17

Hoben agresivo ta kibra un glas y herida su mes

DIASABRA pa mas o menos 10’or di anochi, un homber ta
pidi presencia di polis pasobra su yiu homber ta sufri di rabia y
e lo a bira hopi agresivo, te cu ela pasa su man dor un glas y a
keda herida.
Segun e tata, su yiu no tabata bou di influencia, simplemente cu
e ta sufri di rabia.

Na yegada di polis y mirando e comportacion di e hoben, nan a
constata cu algo otro lo por ta pasando cu e hoben.
Probablemente nan a pensa cu e hoben di 19 aña aki lo por a
dal un tipo di droga cu ta den circulacion na Aruba actualmente.
E hoben no kier a rasona cu polis y pa es motibo mesora nan a
pidi pa presencia di ambulance, pa por duna e hoben aki un of
otro calmante y pa nan trata e corta na su man, cu tabata sang-
rando bastante.

Mientras polis tabata wardando riba ambulance, un señora ta yega
n’e sitio y aparentemente lo por tabata trata di mama di e hoben.
E señora a papia cun’e y manera el a tende e stem di e señora e
hoben a calma y a cana bay cu e señora na su auto.
Polis a cancela ambulance mirando cu e hoben a logra calma.
Despues di un rato cu e hoben a calma, e señora a bay poli hunto
cu e hoben den e transportwagen di polis, pa asina e hoben por
a ricibi tratamento medico.