Page 31 - MIN JUS_Neat

AWEMainta Dialuna, 16 October 2017 21

Cas bandona ta pega candela misteriosamente

DIADOMINGO algo prome cu 2’or di marduga, a drenta un
informe cu den e bocht di Seroe Patrishi tin un cas na candela.
Inmediatamente a dirgi un patruya policial n’e sitio.
Na yegada polis a mira cu berdad e cas bandona den e bocht di
Seroe Patrishi tabata completamente na candela.
Mesora nan a pidi pa presencia di bombero cu hopi urgencia pa-
sobra na prome instante polis a wordo notifica cu lo tin un choller
cu sa drumi eyden. Despues a bin resulta cu e choller pa casualidad
tabata na Dakota.

Dos unidad di Brandweer a bay n’e sitio y hopi liher a logra domina
y paga e candela.
E motibo di e candela ta desconoci, no por ta trata di kortsluiting
pasobra e cas no tin coriente. Probablemente e lo por ta intencio-
nalmente cendi.
N’e sitio un persona a comenta algo un poco straño, cu e ta pensa
cu e cas ta net rib’e tereno unda e caminda nobo mester pasa y
aparentemente esnan cu ta doño no lo kier a bende e tereno.

Loke berdad ta hopi straño ta, cu p’e proyecto di e caminda a rosa
y a habri tur e mondi rond, pero niun dia a mishi cu e cas.
Si acaso nan a cumpra e cas caba, ta den un rato nan lo por a bente
abou cu un tractor. Esey ta un comentario di un cuidadano n’e sitio
cu a hala atencion, pero no ta confirma.
Kiko t’e motibo tras di e candela, con el a pega candela y ken lo por
a cende, no ta conoci. Despues di un investigacion ta brandweer lo
por duna mas claridad riba esaki.