Page 34 - MIN JUS_Neat

28
Fiscal a pidi 7 aña di castigo pero....
Atrakadó Jean Carlo Laker
sentenciá na 5 aña di prizon
WILLEMSTAD Diabierna Huez a dicta sentencia den e caso di e
ciudadano Jean Carlo Laker, di 25 aña di edad acusá di vários delito.
Pa cuminsá Jean Carlo Laker ta acusá di a ranca un cadena di oro for
di un otro ciudadano di fam Lourens.
Esaki a sosodé dia 6 di jüni 2017. Tabata un acto cu tabata di un forma
sumamente agresivo y violento, esta bahando for di un auto cana bay
den direccion di e víctima, pa pone forsa bruto na momento cu ranca-
mento di e cadena a tuma lugar.
E siguiente acto castigabel cu Jean Carlo Laker a cometé ta un atraco
den un minimarket cu yama Lies Mini Market situá den e bario Jan
Boos. Aki a trata di ladronisia di e suma di placa di 2000 florin for di
e caha di placa di e negoshi, 120 paki di sigaria Marlboro, pakinan di
Richmond, pakinan di Pall Mall, carchinan di Chippie y Digicel, Tilin,
bòternan di whisky White Label y bòternan di Hennessy.
Jean Carlo Laker a drenta e minimarket hunto cu mas atracador y nan
tabatin mascarada bistí pa tapa nan cara.
E descripcion ta cu un di e atracadornan tabatin e altura di 1.80 meter,
siendo e otro tabata 1.65 meter halto.
Mas aleu Jean Carlo Laker ta acusá tambe di posecion di arma di candela,
e so tabatin arma di candela. Despues di e ladronisia cometi, e duo a
cana drenta mondi disparcé cu e tas preto cu nan a yena cu propiedad,
esta mercancia y placanan di e negoshi.
Huez den e caso di ladronisia di e cadena di oro no a bay di acuerdo
cu e acusacion, pasobra ta trata di únicamente un testigo, esta declara-
cionnan di e propio víctima, di kende tur e acusacionnan a bin.
Pa Huez esaki no ta prueba suficiente. Tambe e hecho cu segun Huez
a dura mucho pa a haci denuncia di ladronisia di e cadena di oro, anto
ademas segun Huez no ta Jean Carlo Laker ta doño di e auto for di cua
el a baha ni ta hüurdó di e vehíkulo pa cometé e acto castigabel.
Pero e acusacion di atraco den Lies Minimarket sí ta probá y ademas e
hecho cu e tabatin un arma di candela den su poder.
Parti di e pruebanan ta sostené riba e imágennan di video y e procès-
verbalnan di Polis, pero e acusado Jean Carlo Laker mes a nenga tur
acusacion treci padilanti contra dje.
E daño y perhuicio di e suma 4000 florin p’e cadena a keda rechasá ya cu
pa Huez e prueba di ladronisia no ta probá, pero e daño y perhuicio p’e
atraco den e minimarket sí a keda honrá n’e suma total di 5200 florin.
Fiscal señora mr. Hato Willems a demandá un castigo di prizon di 7
aña pero Huez mr. G. Edelenbos a condená Jean Carlo Laker na 5 aña
castigo di prizon, kitando e temporada cu el a pasa den aresto preventivo.
AWEMainta Dialuna, 16 October 2017
Sint Maarten lo haña
yudansa financiero
tòg di Union Europeo
WILLEMSTAD - Gobierno y pueblo di Sint Maarten
lo haña yudansa financiero di Union Europeo. Comision
Europeo a dicidi siman pasa cu Sint Maarten mester haña
mesun yudansa cu e parti Frances ta haña, pasobra nan ta
Teritorio Ultramar y di e forma ey tin status Europeo.
Union Europeo ta cla pa pone fondo Europeo na disposicion
di Sint-Maarten y Saint-Martin (Frances) di acuerdo cu loke
Presidente di Comision Europeo, Jean-Claude Juncker, a
manda bisa Parlamento Europeo.
Sint Maarten ta autonomo y no tin derecho di haña placa
for di Fondo di Solidaridad, pasobra nan no ta miembro di
Union Europeo. E parti Frances sí ta toca pa haña fondo.
Juncker a manda bisa Parlamento Europeo cu mester trata
ambos parti di e isla igual na momento di duna fondo pa
reconstruccion.
Parlamento Europeo a yega di bisa caba cu mester trata am-
bos banda di e isla igual.
Cu condena condicional
Huez a tene consideracion
cu Heinrich Pieters
WILLEMSTAD - E ciudadano Heinrich Pieters di 37 aña
di edad a presentá den sala di Corte diabierne ultimo pa un
acto castigabel cometé for di dia 13 di novèmber 2016. Ta
trata aki di maltrato di un ciudadano di fam Stacie.
E acusado a troce e dama na su garganta, dal e víctima
diferente biaha den cabes y cara, hincha nanishi, kap lip y
sangra nanishi.
Bisiña mester a intervení pa para e forsageo y bochincha cu
nan tabata aden y kita e hendenan aki for di otro, pero a
yama Oolis.
Heinrich Pieters a cay 9 dia será pa loke el a haci. Den sala
di Corte Heinrich Pieters diabierna no a duna un splicacion
aceptabel pa su mal comportacion, únicamente el a bisa na
final cu ta duel e loke a sosodé.
Punto ta cu e suseso aki tin casi 1 aña cu el a tuma lugar y
positivo ta cu Heinrich Pieters no a bolbe comportá.
Pa Fiscal un castigo condicional ta na su lugar di manera cu
Heinrich Pieters lo no tin nodi di drenta prizon atrobe.
Como tal un castigo di prizon di 6 luna condicional y un
periodo di prueba di 2 aña ta loke Fiscal mr. Guillano Schoop
a demandá y guia di parti di Reclassering.
Abogado mr. Loth a trece padilanti cu su cliente no tin un
pasado violento y a pidi pa tene cuenta debidamente cu e
incidente aki. Huez señora mr. Paulides tambe a considerá e
caso aki uno excepcional p’e acusado y ta sali for di e punto
di bista cu loke a pasa lo no sosodé nunca mas.
Huez a tene e castigu abou, esta na 3 luna condicional y un
periodo di prueba di 2 aña.