Page 6 - AM220401

6|Diabierna, 1 di April 2022

Arubianonan ta studia na Apeldoorn, pero no

ta sirbi pa bira Korpschef

Esaki t’e conclusión cu mester saca
ora cu tuma nota di e candidato selec-
ciona pa bira e Hefe nobo di Polis. Ta-
bata den Parlamento diamars ultimo cu
e Minister a informa di e procedura cu a
sigui y e cantidad di candidatonan cu a
solicita.
Hopi hende a keda sorprendi na mo-
mento cu a bira conocí cu e candidato cu
supuestamente a wordo escogi of t’esun
mas serio pa ocupa e puesto di Alto Co-
misario ta un funcionario policial, hefe
di un post na Hulanda.

Por a comprende cu tabatin diferente lo-
cal cu a solicita. Pero e prome pregunta
ta dicon no a uza un di e diferente otro
personanan cu a yega di ocupa e puesto
aki y cu simplemente pa motibonan po-
lítico a dicidi di pone nan un banda.

Por pensa riba Andreu Hoo, kende pa
motibonan no hustifica a wordo poni un
banda. Pero banda di dje, tin mas perso-
na di posición halto den e Cuerpo, ma-
nera e.o. Trudy Hassell, Gino Winklaar y
ainda ta keda Vanessa Tjon-Kock kende-
nan lo por ocupa e puesto aki, simple-
mente dor di mande un curso pa reforsa
nan habilidadnan.

E mas tristo ta cu tur e hobennan di Aru-
ba cu kier bay studia pa Polis, pa un po-
sición mas halto, ta bay studia na e Aca-
demia Policial na Apeldoorn.

Asina tin diferente funcionario cu a wor-
do presenta cu hopi show den e añanan
cu a transcuri, pero awe no ta haci uzo
di nan experticio y no a cuminsa prepara
nan pa haya e liderazgo di por ocupa e
funcion di Alto Comisario un dia.

Hopi tristo. No ta conocí of ainda SPA no
a tuma un posición riba e situacion aki
cu ta mustra uno peligroso, pasobra tur
cos ta indica cu Hulanda ta poniendo tur
su hendenan den posición clave.

Na Hospital tin un Hulandes Europeo y
esaki t’e caso tambe pronto na Cuerpo
Policial di Aruba. E pregunta ta si esaki
ta bay sosode den KIA tambe.
Yiunan di tera p’e Gobierno aki no ta
sirbi of a yega momento pa busca Hu-
landes Europeo pa bira Minister na Aru-
ba tambe.