Page 7 - MIN ON

Minister Michelle Winklaar: Posibel solucion pa Pius X
School ta na caminda pa un problema cu no ta for di awe

Tuesday, 13 June 2017 13:37
Comparti

Minister Michelle Hooyboer tabata tey presente na Pius X School, unda cu dialuna e docentenan a drenta
den accion pa motibo di e situacion cu e scol ta pasando aden. E minister a splica cu e sa cu e situacion
no ta for di awo, cu ta for di basta aña cu e situacion a presenta. Pa Gobierno tin dos parti.

Un ta compronde kico precies a bay fout den esey, cu ta señala cu tin problema y no ta wordo atendi. Na
momento cu e ta algo chikito, algun bentana no ta habri of no ta cera bon, of ta motibo di scharnier, no ta
poni bon, ta responsabilidad di e directiva di e scol pa drecha y atende. Nan ta ricibi fondo pa esey. Pero
claro si esey no tuma luga e ora por mira cu e problema ta escala y despues di algun aña e ta bira un
problema mas grandi. Esey ta loke nan ta pasando aden awo. Esey ta algo cu lo mester papia cu SKOA pa
compronde y pa mira con lo por drecha e situacion eynan, pa evita esaki na otro scolnan. Tin situacion na
otro scolnan cu tambe ta rekeri un atencion, pero kier un lista kico ta e situacionnan cu ta chikito, cu e
scolnan mes atende, y tambe e situacionnan cu ta mas grandi cu ta responabilidad di Gobierno. Ta
papiando cu scol pa trece e solucion di biaha kico ta e cosnan cu lo por haci. A delibera cu DOW riba dje.
Ta bay intercambia awo diferente posibel solucionnan pa por trece e ora e parti di enseñansa bek pa e
scol. Considerando cu kier crea un ambiente cu ta comodo, cu tambe ta pas loke cu kier stimula na scol.
Di un otro banda ta na fin di aña escolar. Ta wak cu lo tuma bentaha di e tempo cu ta bay tin un vakantie
grandi pa por haci cierto trabaonan. Claro kier rond af e aña tambe na un manera miho posibel. Esey lo
kier desea di busca e solucion, kico ta e cosnan cu por haci awo di biaha pa trece e trankilidad y
normalidad bek pa e scol, mientras cu ta traha riba e solucion kico ta bay haci den e periodo di vakantie
grandi.

Comentarionan (0)

Maestronan contento cu minister a presenta y tin solucion na
caminda pa Pius X

Tuesday, 13 June 2017 13:35