Page 9 - MIN ON

Comparti

Di 12 te cu 16 di juni, entre 7:30am y 2:00pm, 5 alumno dynamico di e sector di hospitalidad di EPI ta
haciendo nan 'module' di trabou boluntario na Cas di Cultura pa medio di un Pop-Up Cafe cu nan ta
yama 'Los Italianos'. Cas di Cultura tabata contento di por a yega den contanto cu e grupo aki via un di
Cas di Cultura su boluntarionan fiho.

Hunto cu comunidad y gruponan cu tin un plan concreto artistico, cultural of social, Cas di Cultura sa
wak con pa hunto realisa esaki di un manera cu ta den beneficio di tur colaborador. Asina por ehempel
na luna di maart hunto cu fundacion Art Rap a presenta e produccion "Diaranson Anochi" pa dia
internacional di teatro. Esaki tabata tin e meta pa trece mas teatro riba tarima. Cu e colaboracion cu EPI
aki no solamente hobennan ta drenta nan teatro nacional, cual porta normalmente kisas no ta den nan
ruta, pero tambe e spirito di boluntarismo ta wordo motiva den un ambiente diferente unda e hobennan
tabata tin hopi oportunidad pa duna nan propio input. Pues nan talentonan natural ta wordo stimula y ta
wordo amplia.

E menu cu nan ta pensa ta simpel y dushi pa desayuno y lunch: tin por ehempel smoothies, stokbrood
horna cu diferente beleg, mini pizza, salada di pasta cu extranan manera pesto, tapanada, tomati, arugola
y diferente cos di bebe. Pa ful e menu y e prijsnan por bai riba e facebook page di Cas di Cultura. Po
ultimo Cas di Cultura y EPI ta invita comunidad pa bin apoya e hobennan aki, mientras nan ta aportando
cu nos teatro nacionaly y ta haya chens pa practica locual nan a siña.

Comentarionan (0)

Informacion tocante camber pa studiante na Leiden, Delft y
Den Haag

Tuesday, 13 June 2017 13:16
Comparti