Page 38 - MIN ON 3 MAART 2016

FANATICO A13
Diahuebs 3 Maart 2016

IBiSA ta anuncia ganadonan di Atletismo Escolar

E competencia di Atletismo Escolar 2016 organisa pa IBiSA e aña aki ta tuma luga
riba dos fecha. E prome parti a tuma luga diabierna dia 26 di februari 2016 den Com-
pleho Deportivo Guillermo Prospero Trinidad na Dakota, unda cu e competencia
tabata pa tur mucha homber cu no ta miembro di un club di atletismo. Un cantidad
di 169 mucha a inscribi pa participa y representa nan school.

E competencia tabata den disciplina di ‘verspringen’, ‘balwerpen’ y coremento. E resultado fi-
nal pa loke ta e atletanan no miembro di un club a keda duna y premia e mes atardi na Stadion
y e ganadonan den nan respectivo categoria ta como lo siguiente:

Categoria A Mucha Homber: School:
1e luga Federic Irving Prinses Amalia Basis School
2do luga Rodney Falcon St. Dominicus College
3er luga Rogerio Arends St. Dominicus College

Categoria B Mucha Homber: School:
1e luga Jaden Apma Colegio Felipe B. Tromp
2do luga Anthony Willems St. Paulus School
3er luga Alexander Pieters Colegio Conrado Coronel

Categoria C Mucha Homber: School:
1er luga Oscar Pozo St. Dominicus College
2do luga Alberthico Giel St. Anna School
3er luga Ezekiel Ponte-Lira Prinses Amalia Basis School

Resultado di categoria D mucha homber ta wordo anuncia diahuebs awor dia 3 di maart
2016, dia cu ta continua cu e ultimo parti di competencia den atletismo. E atardi aki, despues
cu completa un careda cu tin pendiente ta procesa resultado di categoria D completamente
y ta premia e ganadonan.
Manera informa, diahuebs ta tuma luga e competencia pa mucha muhe ‘miembro y no
miembro di club’ como tambe e parti di mucha homber cu falta, esta esnan cu ta miembro
di un club di atletismo.
Cu e resultado di e competencia di atletismo escolar aki, ta participa den e ‘Weganan Interin-
sular’2016. E hobennan ganado den categoria A, B y C – ‘No Miembro di un Club’ ta haya
e oportunidad pa representa Aruba y nan school den e competencia. E aña aki e disciplina
di atletismo ta tuma luga na Aruba mes den e fin di siman di 7 pa 10 di april 2016, na unda
cu islanan di Boneiro y Corsou lo ta presente cu nan delegacion pa participa. E competencia
inaugural di ‘Weganan Interinsular’ ta tuma luga na Corsou dianan 10 pa 13 di maart 2016.