Page 16 - AWEMAINTA

16 AWEMainta Diabierna, 1 September 2017

Rotary Club of Aruba a entrega cheque

di donacion na Fundacion Autismo Aruba

ROTARY Club of Aruba pa
basta aña caba ta sostene
Fundacion Autismo Aruba
di forma di donacion. Asi-
na tambe dialuna ultimo
miembronan di Rotary
Club of Aruba a entrega un
cheque di Afl. 7.500,- na
Fundacion Autismo Aruba.

E fondo pa e donacion aki
a wordo recuada e aña aki
cu Fiesta Rotaria organisa
pa Rotary. Fiesta Rotaria a
tuma luga ariba 2 di april
2017. Rib’e fecha aki tambe
Fundacion Autismo Aruba
ta celebra “World Autism
Day”. Durante Fiesta Ro-
taria, Rotary a duna extra
atencion na e celebracion
aki y p’asina yuda trece
mas conscientisacion pa
Autismo aki na Aruba.
Alavez Fundacion Autismo
Aruba tabatin un tent spe-
cial na Fiesta Rotaria.
Presidente Gerardo Oduber
kier a gradici e pueblo di
Aruba y sponsors cu a haci
Fiesta Rotaria posibel, cu
tabata exitoso atrobe e aña
aki.
“Cu e sosten di nos comuni-
dad, nos di Rotary por sigui
haci donacion na esnan cu
mas tin mester”, sr. Oduber
a bisa.
Rotary Club of Aruba ta
gradici Fundacion Autismo
Aruba p’e trabao cu nan ta
haci den nos comunidad.