Page 18 - AWEMAINTA

18 AWEMainta Diabierna, 1 September 2017

Lectura publico riba ‘Sistema Electoral na

Aruba’ cu entrada gratis

PROXIMO siman comunidad di Aruba lo tin dos
oportunidad hopi importante di conoce, adelanta n’e
eleccion Parlamentario, con nos ta sistema electoral
ta hinca den otro.
Tambe por siña con y pakico ta vota y ademas con
ta reparti zetel y restzetel.
E anochinan di informacion pa publico ta tuma lugar
diamars 5 di september na MFA Noord y diaranson 6
di september na MFA Paradera; ambos anochi entre
7or y 8’or y mey.

Elton Hart, Gerente General di MFA Paradera a splica
cu ta trata di un actividad cu no ta liga na un organ-
isacion politico y en realidad, ta forma parti di nan
serie di lectura informativo cu a bin ta presentando
tur luna riba diferente topico.
Den e caso aki, e experto cu lo hiba palabra ta mr.
Luciano Milliard, kende ta un conocido experto den
ley constitucional.
E contenido di e lectura ‘Sistema Electoral na Aruba’
ta consisti di e siguiente puntonan: Historia di nos
sistema electoral, con el a inicia, di unda el a origina
y for di ki tempo el a establece.

Despues lo sigui un splicacion di con e sistema elec-
toral ta hinca den otro, ken tur mag vota, pakico nos
ta vota.
Tambe lo papia riba con un partido ta yega na un
zetel, kico ta un restzetel y con ta bereken esaki y
finalmente, ki ora un Gobierno ta demisionario.
Entrada p’e evento ta gratis, pero ta recomenda un
y tur interesa pa asisti, pa yega tempran y asina ga-
rantisa un bon lugar di parkeo y pa sinta.

E anochinan informativo ta wordo organisa inde-
pendientemente y den cuadro di MFA su concepto
di comparti informacion importante cu e comunidad
unda e ta ubica.
E serie di lectura lo continua den e lunanan nos
dilanti y e temanan lo keda anuncia na su debido
tempo. Pa mas informacion, por por yama 281-0001
of 281-0005.