Page 10 - AEMAINTA

10 AWEMainta Dialuna, 27 Januari 2020

Dos persona herida den accidente panort

di rotonde dilanti Stadion di Frans Figaroa

DIABIERNA madruga durante cu Polis y
ambulance tabata atendiendo un accidente

serio na Paradera, un otro accidente a
sosode, pero e biaha aki na Boegoeroei.
Informacionnan a sigui drenta cu lo tin dos
persona herida. E accidente aki a sosode

panort di e rotonde nobo dilanti Stadion di
Frans Figaroa.

Na yegada di Polis nan a topa cu un otro

Nissan March March completamente destrui
dilanti y pariba di caminda un Lincoln color
blanco. Por a mira cu dilanti parti abou a
sufri daño.

Mester remarca cu accidente aki tabata
uno sumamente fuerte, debi cu e Lincoln
biniendo di zuid no a para n’e rotonde y a
pasa over di e rotonde banda di pabou.

Pa mala suerte e Nissan March tabata riba
su banda y a wordo sorprendi frontal dor di
e Lincoln.

E impacto tabata asina fuerte cu esaki a causa
cu el a manda e Nissan March meternan
atras banda drechi di caminda. Danki Dios
den e accidente aki no tabatin herido serio.

Na yegada di ambulance su Paramediconan
a transporta e dos heridonan pa Hospital. E
Nissan March a keda totalos.