Page 20 - Djasabra 16 yuni 2018.pdf

20 Djasabra 16 Yüni 2018

Eugene Rhuggenaath

Dia di tata di promé minister Rhuggenaath. Kon e ta selebr’é i kiko dia di tata
ta nifiká pe. Den su kurá sintá, ku su tres yunan prinsipalmente e dos chikínan
ta kore bai bin, el a konta nos kuantu amor a brota den dje ora el a bira tata, ku
su promé yu, su prinsesa Sophia.

“Ta un bendishon pa tin un famia i tin yu. Mi por bisé awor aki ku satisfakshon
pero tempu mi tabata hóben nunka mi a pensa. Semper mi a pensa di traha duru,
mi tabatin otro ambishon i yu ku kasá no tabata pas den esei. Pero mi a topa mi
señora i mi pensamentu a kambia”, el a bisa ku un sonrisa. Sr. Rhuggenaath a
splika kiko e ke men ku yu ta kambia asta bo pensamentu. Antes ora e tabata
biaha i e tende un yu ta grita riba avion e ta pensa ku esaki no por, pero awendia
e ta tend’é yora riba avion i e ta pensa den su mes “hei beibi”, pero ku un smail.
Esaki ta e manera ku bo ta eksperensiá famia.
Ser tata: yu ta asta

kambia bo manera di pensa

Kon lanta,mi yunan...
Riba e pregunta ku si e ta lanta su yunan manera e mes a lanta el a bisa nos di
Djasabra ku naturalmente el a siña hopi di su mayornan. Tur dos a lanta den
kas humilde. Su tata a lanta den kas na Buena Vista formando parti di 8 ruman
ku un mama soltero i tur hende mester a duna man na kas. Pero e ta purba di
wak pa hasié otro. El a pone pa su mes pa duna amor i mustra ku ta masha
normal pa brasa sunchi i ekspresá amor pa kasá i yunan. Tempu el a lanta esei
no tabata asina normal. I esaki prinsipalmente pa e figura di tata i yu hòmber
manera hopi biaha hende ta pensa.