Page 24 - Djasabra 16 yuni 2018.pdf

24 Djasabra 16 Yüni 2018

un bunita bista di e barkunan ku ta mar

E artistanan aki ta kumpra e kas luhoso por sierto i ta usa esaki
solamente un parti chikitu di aña. E otro lunanan e kasnan aki
ta para bashí pero ku vigilansia i ku hende pa kuida nan. E kas-
nan aki ta impreshonante i ta bisto ku bo mester tin basta plaka
pa ta doño di un di e kas nan aki. Remarkabel ta ku hopi di e
kasnan aki ta traha na kantu di seru ku ta pone ku bo por yega
na e entrada hasiendo uso di un left . Spesial pa e personanan ku
tin problema ku pia esaki ta un solushon ku ta pone ku nan por
drenta i Sali sin problema for di nan kas.
$

%
playanan. Maske ku e playanan ta hopi bruto masha hopi turista
ta bini aki pa landa i kohe solo. Den e temporada ku nos tabata
na Viña del Mar e bishitante nan por a usa e playa solamente pa
kohe solo ya ku e awa tabata pèsta di “pèchi Portugues” kual
tabata hasi ku no tabata rekomendabel pa drenta awa ya ku un
pika di e bestianan aki por ta hopi peligroso i hasta mortal si bo
no trat’e na ora.
Den Viña del Mar bo ta haña masha hopi restorant ku ta ofresé
bo plato nan masha dushi mes pa kome Teniendo kuenta ku nan
tur ta situá den un lugá turístiko e plato nan tabata basta pika
na preis. Nos tabata den e temporada di San Valentino i tabata
notabel kuantu propaganda bo por a mira tur kaminda relashoná
ku San Valentino.
Promé ku nos a bandoná Viña del Mar nos a hasi un bishita kòr-
tiku na e Museo Fonca kaminda tin para un Piedra di Moai ku
segun e guia a bini Chile direktamente for di Isla Pascua. Otro
nan ta bisa ku esaki no ta bèrdat i ku e piedra ta un imitashon.
Un kas tipiko Valparaiso
Kiko ta bèrdat pa nos ta un misterio.
Valparaíso
Despues di Viña del Mar nos ta sigui pa Valparaíso kaminda
nos tin ku bai subi e barku Norwegian Sun. Pero promé ku hasi
esaki nos ta probechá pa hasi un rekorido den e siudat aki pa
konosé maske ta algu promé nos subi barku.
Den e siudat aki tambe tin bastante kasnan grandi i bunita akabá
i ku ta situá riba sierto altura ku ta duna un bista bunita riba
henter e siudat i e “containerhaven” kaminda tantu kònteiner ta
wòrdu deskarga i kruseronan ta para . Na momentu ku nos ta-
bata einan tabata tin 3 barku di krusero aden i for di un distansia
esaki sigur ta duna bo un bista hopi bunita. Klaro ku promé kos
ku nos a hasi tabata mira si nos barku a mara kaba i defakto e
tabata tei mara.