Page 56 - MIN TTC JUNE 24,2015

Hotelnan ta sold out e weekend aki pa Aruba Summer
Music Festival

Publication: Wednesday, 24 June 2015. Categoria: General

ORANJESTAD (AAN): E fin di siman aki Aruba pa prome biaha tin e festival di Aruba Summer
Music Festival, un festival cu sin duda ta atrae hopi bishitante pa nos isla. Eventonan asina aki ta
percura pa un promocion hopi grandi pa nos isla. Aruba Summer Music Festival, segun Minister
Otmar Oduber, ta net e evento cu tabata falta den nos lista di atraccionnan cu ta forma parti di e
plan di mercadeo pa nos isla.
Den pasado Aruba a sa di demostra di ta cana adelanta pa lo cual ta trata eventonan manera entre
otro Aruba Jazz and Latin cu a sa di engrandece e genero di musica Jazz den e region Caribense,
nos a introduci Aruba Film Festival cu a resulta di tin un balor grandi den mercadeo y den
atencion den media cu nos isla a ricibi.
Tambe por menciona Aruba Fashion Week, Soul Beach Festival y Carribean Sea Jazz Festival
cu tambe ta percura pa un mercado specifico. Otro islanan a tuma e festivalnan aki como
ehempel y ta organizando nan propio festivalnan.
Aruba tabata falta e ingrediente special pa e mercado Latino Americano, caminda nos ta atrae e
bishitantenan manera e ta tumando lugar awor aki. E mandatario ta hopi contento di mira e
cantidad di bookingnan online cu tin. Ticketnan a worde bendi entre otro na Chile, Peru,
Argentina, Brazil, Colombia, Panama, Curaçao, Suriname y Sint Maarten.
“Mi a bisa desde un inicio cu si ta bay organiza un evento, ban organiza e evento di un calidad
halto, manera Aruba ta propaganda nos producto na e momentonan aki, y nos a logra tambe.”
Minister Oduber a bisa.