Page 58 - MIN TTC JUNE 24,2015

Trabaonan ta den full swing y riba bon caminda pa Aruba
Summer Music Festival

Publication: Wednesday, 24 June 2015. Categoria: General

ORANJESTAD(AAN): For di inicio cu a anuncia cu e aña aki Aruba lo conoce y alavez
experencia un di e Festival nan di mas grandi cu hamas y nunca a worde organiza den Caribe cu
ta Aruba Summer Music Festival y cu lo presenta riba scenario artistanan grandi renombra, un
emocion y anticipacion a drenta den varios hende rond mundo pa nan ta presente.

Den fin di siman trabao nan intensivo a inicia den cuadro di e preparacionnan necesario pa e
Festival na unda cu e team di High Performance, den colaboracion cu Thunder & Lightning y
Elite Productions a monta un scenario gigantesco cu ta un di e rekesitonan principal cu e mayoria
di e artistanan a rekeri. ya caba por cuminsa menciona cu e stage ta casi cla y ta algun rekisitonan
so falta.

Locual cu ta logistica di e setup di e seccion nan di Diamond, Gold, Standing VIP, Bar y algun
detaye mas, nos mester bisa cu esaki ta den full swing y ta calcula pa diahuebs tur cos ta cla.

Mester menciona cu e trabaonan tambe ta den full swing pa diahuebs anochi den Entertainment
Center na momento cu e bandanan local entre otro; Tsunami, D’Licios, Robert y Solo Banda
Show, Le Groove tuma e encargo pa duna inicio na e Festival di Aruba Summer Music Festival.
Aruba ta keda cordialmente invita pa pasa ainda pa cumpra nan carchi na Sandra’s Garden cu ta
situa riba Linear Park. Esaki ta e siman pa nos mira live in concert, Carlos Vives, Elvis Crespo,
Nicky Jam y Pitbull riba un scenario na Aruba.

Riba imagen nos por mira presencia di Minister di Turismo Otmar Oduber cu ta sumamente
contento con lihe e trabao nan ta bayendo y na un forma profesional. Danki ta bay pa ATA, SD
Concerts y Loco Lobo Productions.

http://www.diario.aw/2015/06/trabaonan-ta-den-full-swing-y-riba-bon-caminda-pa-aruba-summer-
music-festival/