Page 41 - MIN ECEM

16 AWEMainta Diahuebs, 15 Juni 2017

Prome bishita di Prome PROME Minister Mike Eman hunto cu su

team tabata di bishita diamars mainta na e
Minister Eman na brug brug nobo di Spaans Lagoen, cu ta practica-
mente cla. El a wordo compaña pa e Project
Manager, e hoben profesional Michael Vro-
nobo di Spaans Lagoen lijk di DOW, kende a splica e mandatario
con e trabounan di e brug ta andando.

E bishita di e mandatario tin di haber cu e
hecho cu e brug, di 4 via, ta practicamente
cla pa keda entrega. Den e bishita Michael
Vrolijk a splica kico falta ainda pa finalisa y
cuanto tempo lo dura pa e fase di caminda
di Green Corridor keda entrega na Gobierno.
Prome Minister a expresa un orguyo grandi
cu un proyecto asina grandi manera Green
Corridor, cu ta marca pauta, ta wordo lidera
pa e hoben profesional Michael Vrolijk.
Esaki ta un proyecto, e mandatario a bisa na
e sitio, cu pa decadanan largo a papia riba dje
y cu semper a keda den caha di olvido te ora
cu Gabinete Mike Eman a yega na mando.

E trabounan cu falta na e brug ta e asfalt cu
mester wordo basha na ambos banda di e
structura aki y riba dje. Tambe falta un pida
caminda di e caretera nobo pa construi ainda.
Tur esaki mester wordo haci prome cu e
proyecto di Green Corridor keda entrega den
luna di augustus. Na momento cu habri e
brug nobo, e parti abou ta bay wordo destina
pa wordo transforma den algo estilo di Linear
Park. Despues di e reconstruccionnan nece-
sario, ta bay tin un espacio di 1 kilometer
pa cana, varios kilometer pa core bicicleta
of recrea den famia, admira Spaans Lagoen.
“E ta algo hopi special y nos ta hopi contento
cu nos ta yegando e punto unda cu na final
di juli of cuminsamento di augustus tin e
apertura grandi di Green Corridor y e brug”,
el a bisa.

Mientras cu ta trahando rib’e parti cu falta
ainda, cu mester wordo finalisa sigur pa au-
gustus, e mandatario a pidi comunidad un
poco mas di pasenshi ya cu na algun ocasion
lo bay desvia e trafico cu por trece un poco
di congestion.
“Pero tur ta pa un causa grandi, un miho
situacion pa Aruba. Na momento cu e
4-baansweg keda habri, e eficiencia di e ca-
minda ta bay haci cu e trafico ta move hopi
mas rapido, mirando cu na Savaneta lo tin
caminda na ambos banda di e via principal,
cu ta crea un miho fluho di trafico pa san
Nicolas”, e prome mandatario a duna di
conoce.
Despues di Pos Chikito ta bay tin tres via
alternativo pa yega barionan pariba, ya cu
e caminda na ambos banda di e trayecto
principal a wordo drecha.