Page 6 - AM230222
P. 6
6 LOCAL AWEMainta Diaranson, 22 Februari 2023
Slompo 4 a laga piscadonan na caya riba lama
iamars mainta Wardacosta a ricibi un noti-
D ficacion di e boto Slompo 4 cu tawata tin
problema cu motor riba lama. E capitan a noti-
fica cu su boto di pesca tawata tin problema y
cu e no por a sigui nabega. E punto di sosten di
Wardacosta na Aruba mesora a dirigi un patruya
pa bay na localidad di e boto.
Una bes cu a yega na e localidad di e boto
banda di Commandeursbaai, e boto patruyero
di Wardacosta a tou e boto cu dos persona
abordo. Wardacosta a hiba e boto na Pier di
Commandeursbaai, caminda Slompo 4 por a
mara cu siguridad.
Wardacosta ta avisa doñonan di boto pa haci
mantencion regular na nan botonan. Pa nan
propio siguridad na bordo mester tin: suficiente
chaleco di salbabida, un flashlight cu bateria
y un pito, un EHBO kit, suficiente awa, aparato
pa paga candela, VHF radio of un celular full di
charge. Evita e chens di un accidente of situacion peligroso riba lama
cu bo boto of seadoo.
Den caso cu bo mester di yudansa bo por yama Wardacosta riba 913
of e whatsapp number 005999, 510 0913. Gosa di lama y beachnan na
un manera safe.
