Page 17 - MIN SOC DEC 21,2015

6 AWEMainta Dialuna, 21 December 2015

Antes

Vandalismo riba rotonde NUNCA ANTES mundo y humanidad tabatin mester
di Ponton ta un atentado
riba paz y union di paz y union manera den e temponan aki, unda
terorismo ta lantando cabes den tur continente. Ta
reina un temor grandi pa kico por pasa. Na Aruba nos
tambe ta sinti e angustia ey y ta p’esey cu hustamente
den temporada di Pasco den forma humilde, den union
y cooperacion cu companianan priva, e Departamento
di Gobierno BoBario ta haci e extra esfuerso pa decora
e rontondenan rond Aruba, ilustrando di e forma aki e
paz, union, fraternidad, compasion y comunitarismo cu
nos tur ta anhela.
E rotondenan bunita dorna rond Aruba ta refleho di e
dianan di fiesta. E deseo comun ta pa paz reina den tur
hogar. P’esey ta di lamenta cu diasabra anochi, manece
diadomingo hendenan sin escrupulo a kibra e rotonde
na Ponton completamente. A ranca e waya rond di e
bunita decoracion cu a wordo haci cu asina tanto amor
dor di Wendy’s. E decoracion bunita cu shoco tur rond
a wordo destrui sin tabatin mester. E mensahe di e
rotonde tabata pa tur hende ta consciente pa cuida nos
shoconan. Wendy’s y su hendenan hunto cu BoBario a
traha duro pa por a ofrece pueblo un bunita rotonde ful
dorna cu e simbolo nacional di Aruba, nos shoco. Hasta
matanan a wordo kibra y benta abou. Tur e trabou a
keda destrui den un par di minuut dor di hendenan sin
curason, si consenshi y sin amor pa nan pais. Esaki no ta
parce trabou di mucha baldadi, pero un acto di vengansa
contra Gobierno.

Directora di BoBario, Sra. Ruth Tromp a expresa, “Mas
cu disgusta, mi ta sinti un dolor inmenso den mi curason.
Dia nos a habri e rotonde aki, por a nota caranan alegre
tur rond. E anochi ey, Wendy’s a haci entrega di un
donacion na fundacion Autismo. Awe empleadonan di
Wendy’s cu un curason pisa a bin kita tur loke a resta di
e decoracion y nos ta mira un rotonde sin luz, sin nos
shoco y sin e ambiente di Pasco.” E pregunta ta keda,
dicon hendenan ta haci cosnan asina cu no tin ningun
sentido? E ta algo di lamenta. E tradicion aki cu ya ta
tumando lugar pa algun aña caba, a haya un mancha
scur y mahos riba dje. Ban spera cu polis pronto por
pone man riba esnan cu a comete e atentado aki riba
paz y union.