Page 111 - KPA_Neat

Minister Arthur Dowers: Problema di adiccion ta un
problema social, social psikiatrico y social medico

Sunday, 25 June 2017 17:16
Comparti

Un cas Speransa Nobo a habri y minister di Husticia tabata tey presente. E ta sumamente contento di ta
eynan, caminda cu por a tende discursonan inspirativo y amigonan di e tempo cu a cuminsa den cuido.
Loke cu mester di sociedad ta mas hende pa sali y duna un man pa soluciona problemanan social den
comunidad.
Ora cu a papia mainta cu e problema di adiccion ta pa Salubridad Publico, e ta cuminsa por ta den un
problema social, social psikiatrico, social medico. E acercamento na e problema aki mester wordo haci
integral. No por soluciona e problema ey y ta mas y mas bisto den mundo, cu no por soluciona e
problema riba islanan of un pais. No solamente na pais, pero globalmente. Hende ta cera cabes pa bringa
un lucha cu yama adiccion. Adiccion ta cuminsa hopi biaha na e uzo of e custumber of custuma cu cosnan
cu ta hacibo daño. Ora ta papia di droga, un di e cosnan mas facil, pa no uza droga. Pa cuminsa keda for
di dje. Logicamente ta bring’e den e parti hudicial, pero ta trat’e tambe den e parti medico social y tin un
departamento na Husticia cu ta netamente responsabel pa esey. E resultadonan cu a mira den e ultimo
añanan, ta duna e minister speransa.
Aunke cu e minister ta para na Speransa Nobo cu ta existi pa varios aña, nan tin e tanto pasion y amor
tempo cu nan a cuminsa. Nan tin mas inspiracion pasobra nan a mira hopi resultado na nan trabao
despues di tanto aña y e mester mas hende pa haci’e.
E resultado bon den comunidad si mas hende uni forsa. Eynan ta e prueba di uniforsa. Aruba Bank
tambe a join den e lucha cu ta wordo hiba mundialmente. Un malesa teribel pa cierto hendenan y e
minister ta spera cu mas hende compronde e materia, mas hende cera cabes hunto cu husticia y mas
hende yuda preveni, combati y cuida y trata esnan cu tin mas tanto necesidad, esun cu a bira adicto.
Ta pasa un palabra na e victimanan di adiccion, esta hopi mama, tata, wela y hopi yiu ta sufri y core
riesgo pa bay den e mesun direccion eynan pa e hecho cu un momento den bida, a escoge pa cana e
caminda di adiccion. Por haci miho y ta haciendo hopi. Pero ainda falta, segun e minister.