Page 113 - KPA_Neat

Minister Paul Croes: Mi lo sali inocente di tur e denuncianan
contra mi persona

Sunday, 25 June 2017 17:03
Comparti

Durante e conferencia di prensa diasabra ultimo unda e Minister di labor señor Paul Croes e bolbe bisa
cu e lo sali liber di cualkier
acusacion cu ministerio publico presenta contra su persona. "Cu un consenshi limpi y den un forma
transparente mi ta y a hasi mi trabou. Y mi lo demonstra esaki tambe na momento cu nos haya mas
claridad den e caso cu e wordo denomina como IBIS", Minister Paul Croes a bisa. Despues di 3 luna di no
a duna ningun declaracion na prensa tocante e caso penal contra su persona diasabra ultimo pa prome
bez e Minister tabatin un encuentro cu hopi miembronan di prensa. Hunto cu su abogado sra. Marije
Vaders a declara cu nan ta sinti nan mes impotente y man mara como cu Ministerio Publico no ta
dunando casi nada di informacion concreto pa locual ta e acusacionan. Minister Paul Croes a mustra cu
como tur ciudadano e tin e derecho di haya informacion y claridad riba su caso. Den un aña di eleccion
esaki tin e candidato tambe wanta pa por ta completamente activo. Aunque por a tuma nota di un
tremendo salida di Paul Croes den Noord diasabra ultimo. E Minister di Labor a mustra cu henter e
situacion aki tin un efecto hopi negativo riba su persona y su famia. Na mas cu un ocasion Minister
Croes a mustra cu e lo ta inocente di cualkier acusacion cu wordo presenta contra su persona.