Page 28 - RDA

ConocoPhillips a purba pone beslag riba

FMSA sin exito

Posted on 05/11/2018 11:10 am AST | Updated on 05/11/2018 11:11 am AST

ORANJESTAD – E compania mericano ConocoPhillips a purba pone beslag riba e
productonan petrolero cu ta bin pa FMSA (e compania cu ta provee gasoline pa
Aruba), pero no a logra. Asina minister di energia Evelyn Wever Croes a confirma
pa Noticiacla diabierna mainta. “ Den otro pais a purba di pone embargo riba assets
di Citgo argumentando cu ta assets di PDVSA, pero tampoco a logra” e mandatario
a sigui bisa.

AFECTA ARUBA

E mandatario a mustra tambe cu e embargo di ConocoPhillips riba assets di PDVSA no ta
afecta e situacion di e refineria di Aruba (RDA). E refineria ta den man di pais Aruba y
RdA ta cumpra HFO di tercer parti. Cada biaha di otro suppliers depende di nan prijs.
Light fuel so RdA ta cumpra for di Citgo USA. Pero segun Wever, ningun di esey ta core
peliger of por afecta e refineria di Aruba. BOU CONTROL E mandatario a sigura e
portal aki cu ‘te ainda nos tin e situacion bou di control y lo sigui monitorea e
desaroyonan’. “ E situacion di PDVSA ta sigui dificil y tenso y nos tin atencion
constante pa esaki no afecta e situacion na Aruba mas ainda. Nos ta preparando un
siguiente encuentro cu Citgo pa delibera mas extensamente riba esaki” e mandatario a
finaliza bisando.

E SITUACION

Manera ta conoci for di comienso di siman aki e compania ConocoPhillips a cuminsa
pone beslag riba varios compania di PDVSA den Caribe pa logra haya nan placa cu
PDVSA debe nan. Ta trata di un suma di 33 biyon dollar. Entre e islanan cu a keda afecta
ta Corsou y Bonaire unda cu nan a pone beslag riba e compania ISLA y BOPEC. Pero na
Aruba pues nan no a logra manera cu e mandatario di Aruba a confirma.

https://www.noticiacla.com/news/12699