Page 30 - RDA
P. 30
“Nos no ta almacena ni manda petroleo for di e islanan di Caribe. Awo nos ta depende
grandemente di Jose,” un fuente di PDVSA a duna di conoce. Sinembargo nan no a
reacciona pa duna un comentario oficial riba esaki.
Aña pasa PDVSA a exporta mas di 400 mil bari pa dia di crudo y productonan rafina di e
cinco instalacionnan di nan mes of gehuur na Aruba, Bonaire, Corsou y Sitn Estatius,
segun datonan interno di e compania ta menciona. E terminalnan a maneha rond di 24%
di e total di loke e estatal Venezolano ta manda afo.
Ta wordo menciona cu e unidad di e compania Mericano di PDVSA, esta CITGO
Petroleum, tambe a uza e terminal di Aruba pa descarga, almacena y mescla crudonan
Venezolano y stranhero pa su refinerianan den henter e costa di Golfo di Merca. E
informe aki porciento no ta completamente corecto pa loke ta Aruba.
Conoco a pone embargo riba al menos 4.8 miyon di bari di crudo y combustibel cu ta
almacena na Boneiro y Sint Eustatius, cu ta un fraccion di e capacidad total di e
terminalnan di 53 miyon di bari.
E carganan cu ta yega for di Caribe a cuminsa crea un “bottle neck” den e principal
hafnan di PDVSA, specialmente Jose, y e wafnan cu ta sirbi e compania petrolero
nacional, Centro di Rafinamento Paraguana.
Dialuna anochi PDVSA a ordena un barco cu tabata warda pa ser descarga na Corsou pa
desvia bay den awanan teritorial Venezolano.
https://awemainta.com/debi-na-miedo-pa-embargo-pdvsa-a-cuminsa-warda-y-exporta-su-crudo-
di-terminal-jose-na-venezuela-mes/
