Page 29 - RDA

Debi Na Miedo Pa Embargo – PDVSA A Cuminsa

Warda Y Exporta Su Crudo Di Terminal Jose Na

Venezuela Mes

 Politica
- 10/05/2018

E compania petrolero estatal a cuminsa concentra su operacionnan di exportacion na su
principal haf di crudo, Jose, ordenando tankernan pa bolbe ancra den awa Venezolano pa
evita embargonan cu lo reduci mas ainda su exportacionnan.

E informe di ayera ta bisa cu PDVSA a para su almacenamento y mandamento di
petroleo for di su instalacionnan pa Caribe después di e medida di ConocoPhillips di
tuma temporalmente e activonan di e compania na e cuatro islanan den Caribe, segun
fuentenan a informa na e agencia di noticia Reuters.

PDVSA a cuminsa concentra e parti mas grandi di su operacionnan di exportacion di
petroleo den su principal haf di crudo, Jose, ordenando tankernan pa bolbe den awanan
Venezolano pa evita embargo cu lo reduci ainda mas su exportacionnan y empeora un
economia cu ta na rand di colaps.

Manera ta conoci, e petrolero Mericano e siman aki a dal un paso pa apodera di e
propiedadnan di PDVSA den Caribe pa primi nan pa cumpli cu un decision di Corte di
Arbitrahe di paga 2 biyon dollar pa e dañonan sufri ora cu Chavez a dicidi di nacionalisa
e compania Mericano.