Page 24 - AWEMAINTA

24 AWEMainta Diamars, 26 Juni 2018

Concierto Dominical Donny Laclé tabata fenomenal

Pa: Addonsito Croes

TABATA e mensahe cu e maestro Johny

Croes a pone riba su pagina di facebook cu
a invitami pa haci un bishita diadomingo ul-

timo n’e Concierto Dominical Donny Laclé.

Un concierto cu a dura mas o menos 3 ora
cu tabata yena cu Aruba su streanan musi-

cal kendenan a brinda e mihor di nan talen-

to n’e publico grandi presente na Biblioteca
Nacional.

Grandi tabata e aplauso di e publico pa

cada hoben musico di Scol di Musica Rufo

Wever y nan maestronan.
E publico presente a pasa un momento ma-

sha agradabel cu e presentacion di Mariachi
Lirios del Campo. E grupo grandi Rondaya

Universal Arubano a corona e alegria di e

publico cu nan presentacion unico den can-
to y gitara.

E momento cu a ser aprecia tabata ora cu
sra. Mayra de Graaff a haci varios entrega

di certificado di aprecio n’e artistanan cu a

coopera cu e concierto aki.
Palabra di exito y agradecimento sra. De

Graaff tabatin p’e hoben gitarista, Justin
Peña cu dentro di poco lo continua su es-

tudio na Conservatorium ArtEz na Zwolle,

Hulanda.

Den su discurso sra. Mayra de Graaff a haci
un yamada na tur presente cu ta desea di

bira boluntario activo di e concierto aki. Es-

aki t’e manera cu e concierto por sigui existi.
Tur hende cu tin e afeccion cu musica di

Aruba y ta desea di bira boluntario ta bon

bini.
Pa mas informacion por tuma contacto cu

Mayra de Graaff of Joyce Pereira.

Cu e articulo aki, mi kier felicita e organ-
isacion y cada artista di Aruba cu a presenta

brindando nos tur un concierto di kita som-
bre.