Page 8 - MIN ON 12 APRIL 2016

Diamars 12 April 2016 Pagina 25

Kiwanis Club nan di Aruba ta duna bek na comunidad

Celebrando nan anual K1 Day

Tur aña den luna di April,
e famia di Kiwanis ta bini
hunto riba 1 dia y asina
duna bek na comunidad.
Esaki ta wordo haci riba
nivel internacional, pero
tambe aki na Aruba
nos ta duna e dia aki su
atencion.

K1 day a tuma lugar

dia 9 di April na Centro

Sonrisa, Stichting

Trampolin pa Trabou, y

Sonrisa Scout. Aki tur

e club nan di Kiwanis a

bin hunto pa celebra e

voluntarismo cu ta biba

den cada un miembro.

Aki nos ta papia di 12 club

cual ta alrededor di 150

persona a bini hunto ariba

diasabra. Cada skina cu

bo bira cada kamber cu

bo drenta bo tabata haya

miembro nan trahando

cu un sonrisa riba nan

cara. Varios miembro a

experencia e dia aki pa

prome biaha. Varios a

comenta ‘Ta pa e trabou

nan voluntario aki mi a

join e famia di Kiwanis’.

Trabao nan tabata na gran
escala na e 3 lugarnan
menciona. Famia di
Kiwanis ta sumamente
contento di a logra hasi
mayoria trabao den parti
verf, chapi, planta mata,
arma diferente reki y
traha algun actividad
leuk pa e park di Sonrisa
Scout. Alavez nos kier a
gradici cada un compania
cu a yuda contribui na e
proyecto aki.

Famia di Kiwanis ta
sigui crece y sigui yuda
comunidad unda mas tin
mester cu concentracion
riba nos muchanan.

Servicio Rapido

Mario’s Septic Service

560-3500 / 565-4477