Page 33 - AWEMAINTA
P. 33
Diamars, 22 Mei 2018 AWEMainta 33
Sinti bon, mustra bon
Tri-atletanan di Aruba a hasi un tremendo papel
den e Miami Caribbean Age Group Championship
na Florida cu dos prome lugar.
DIADOMINGO ultimo un delegacion den e deporte
di triathlon a biaha pa Miami estado, Florida unda a
tuma lugar e Caribbbean Miami Caribbean Age Group
Championship. Nos tri-atletanan Giannon Eights, Lin-
da Smit, Sandra Postma y Lucien Dirksz a representa
Aruba den un competencia internacional ya conoci pa
nan.
Mester bisa cu e atletanan di Aruba a haci un tremen-
do papel unda Giannon Eights a gana e prome lugar
overall den e competencia y e tri-atleta veterano Luc-
ien Dirksz cu tambe a sa na conkista e prome lugar
den su categoria. E atletanan femenino Linda Smith
y Sandra Postma a keda na un di 2 y 3 lugar overall
den e competencia aki. Na banda di e atletanan aki
tabata tin un otro atleta local cu tambe a haci un tre-
mendo trabou esta, Bincho Mansur cu a sali na un di 4
lugar den su categoria. Mester bisa aserca cu tabata tin
mal tempo cu hopi awacero unda a schuif e careda pa
20 min. Esaki sinembargo no a stroba e delegacion di
Aruba presta bon. Un super pabien na Aruba Triathlon
Association coach Glennon Eights y na tur e atletanan
cu e tremendo logro.
Stichting Sportsubsidie Aruba a subsidia e biahe di e
atletanan Giannon Eights, Linda Smit, Sandra Postma
y Lucien Dirksz pa representa Aruba den un compe-
tencia internacional na Florida.
Cumprando weganan di Lotto, e Loteria di Aruba bo ta
contribui na deporte riba nos isla. Meta di e fundacion
ta pa organisa loteria, cambia bida di su hungadonan y
na mes momento inverti den deporte local pa medio di
donacionnan na e Stichting Sportsubsidie Aruba.
