Page 48 - MIN TTC 27 OCT 2015

PAGINA 16 DIARIO DIAMARS 27 OCTOBER 2015

Prinsesanan di Cas Prinsesa a cera
conoci cu trabao di un Minister

Telefonnan di DIARIO 582-6747 O R A N J E S TA D ( A A N ) - -
Fax 582-8551 Cas Prinsesa a haci bishita
di cortesia cerca Minister di
asuntonan Social, Hubentud
y Labor drs Paul Croes.
Cas Prinsesa durante ultimo
añanan no solamente ta recluta
hobennan pa representa Aruba
den eleccionnan Internacional
sino tambe ta duna e hobennan e
educacion valioso di conoce mas
di bo Pais y di su dignatarionan
y nan trabao.

Minister Croes a ricibi den su
oficina Mia Mc Collum Little
Prinses Aruba, Jeniree Maduro
Little miss Aruba, Anais Gomez
Little Pre teen Aruba, Lyanne
Hernandez Pre Teen Aruba.
Tambe Minister a cera conoci
cu Ailani Emanuels Miss Pre
Teen Mezo America y Daniela
Pop miss Teen Mezo America
cu lo sali pa El Salvador pa
asina representa Aruba dia 31 di
October 2015. Hunto cu nan e
reina saliente Jasysi-Ann Croes
kende a gana e titulo aña pasa di
Baby Mezo America 2014, e lo
bay baha corona na el Salvador.
Hobennan tabata hopi interesa
pa sa mas kico su trabao ta
encera y Minister na su turno
a splica nan kico ta tarea di un
Minister di Asuntonan Social,
Hubentud y labor y tambe un
tiki mas di gobernación.
Minister tambe a será conoci cu
Jayly-Ann Wester cu a gana e
titulo di Beauty of the Caribbean
y Josey – Ann Maduro kende
a gana e titulo na Punta Cana
Republica Dominicana di Little
Pre Teen Beauty World 2015.
E hobenan después a haña un
recorido den edificio di Cocolishi
y pa despues gradici Minister
Croes pa tur informacion.
Minister Paul Croes a desea e
prinsesanan hopi éxito den nan
representacion di Aruba den
exterior.