Page 20 - EXTRA20FEB2016
P. 20
20 Djasabra 20 Febrüari 2016
Skibi pa Anthony Haile
Djaluna dia 22 di febrüari 2016 misa di Wishi ta selebrá 85 aña di edat.
Misa di misa durante di e último añanan a pasa den diferente
retu i sigur ta na su lugá pa nos duna
atenshon na e misa aki, sigur awor ku e ta
kumpli 85 aña.
Konstrukshon di Misa di Wishi
Na 1930 S.E.L. Maduro and Sons a
regalá Obispado un pida tereno riba
kual tantu misa di Wishi komo e kas
Pastoral ta situá. E Obispu di aquel entonces
Mgr. Gregoruis Vuylsteke a intermediá pa Papa
di Roma duna e direktor un kondekorashon
den forma di un medaya di oro pa e gesto ku e
kompania a hasi. E konstrukshon a kuminsá den
kuaresma di 1930 i a terminá dia 5 di òktober 1930. E
kontratista ku a hasi e
trabou tabata Don
Luis Peroerier i e a kobra
solamente 60 mil florin pa e trabou, un
suma hopi rasonabel pa e tempu ei.
Den buki di Obispado Mgr. Vuylsteke ta
konosí komo e Obispu ku a duna inisio pa konstruí mas
misa aki na Kòrsou. E tin sigur 6 misa riba su number
esta: misa di Santa Famia, Jandorèt, Groot-Kwartier,
Janwé, Soto I esun di Wishi.
Mgr. Vuylsteke a mira e nesesidat pa kuminsá traha un
misa na Wishi pasombra e misa di Santa Famia a bira
muchu chikitu pa tur e katólikonan ku kier a asistí na
un Santu Sakrifisio di Misa. Hopi di e Katólikonan aki
tabata di eksterior i trahando na e Refineria .
E misa a keda kompletamente terminá na 1931 i a haña
e nòmber di Santa Theresita di Lisieux. E misa aki ta
radia un simplesa ku ta pas ku poblashon di Wishi. Mgr.
Vuylsteke lamentablemente a fayesé na final di 1930 I
no por a presensia e apertura ofisial di misa di Wishi.
E apertura ofisial a tuma lugá dia 22 di febrüari 1931
pa Pader Maritinus van der Elzen, Pro Vikario Apostolico. Pa e seremonia di
apertura tabata tin un interes masha grandi i inkluso e gobernador di e tempu
ei, Gouverneur van Slobbe i representantenan di S.E.L. Maduro a hasi akto di
presensia. E promé pastor di misa di Wishi tabata Pastor Silvester Hagemans
kende dia 23 di febrüari 1931 a hasi su promé misa ofisial na misa di Wishi.
E promé koro di misa tabata konsistí di 12 dama ku tabata haña lès di Pastor
Hagemans.
Patrona di Misa di Wishi
Patrona di misa di Wishi ta Santa Theresita di Liseux kende a muri na 1896 riba
e edat hóben di 24 aña di un enfermedat hopi severo. Despues di su morto e
wòrdu deklará santu. Riba su 15 aña di edat e a drenta konbentu di Soeurnan
di Carmelitas di Lisieux Fransia. For di kuminsamentu di su bida religioso,
Beibel tabata su buki faborito, speshal Tèstamènt Nobo. Un di e tareanan mas
importante di e soeurnan di Carmelitas ta pa resa pa saserdotenan ku ta kore
