Page 22 - EXTRA20FEB2016
P. 22
22 Djasabra 20 Febrüari 2016
parokia. Bou di su guia a selebrá di un forma grandi e 75 aña
di misa di Wishi. Hopi no por kere ku 10 aña despues
ya e no tei riba e mundu aki. Spesial e manera ku
e a muri tin hopi parokiano, te dia di awe hopi
konfundí. Pastor Danilo a wòrdu kremá I promé
ku su shinishinan a wòrdu transportá pa Filipina tabata
tin dos Santu Sakrifisio di misa Pontifikal pa pidi Dios
Todopoderoso Deskanso eterno pa su alma. Unu na
Katedral i unu na misa di Wishi. Tur dos Santu Sakrifisio
di misa a wòrdu masha bon bishita i hopi tabata e parokianonan
ku no por a kontené nan emoshon spesial durante di e misa na
Wishi.
Si nos ta papia over di misa di Wishi nos no por keda sin menshoná
e nòmber di Chita Paulo, kende a sirbi pa mas ku 40 aña komo
Kosteres na e misa aki. Chita tabata bida na parokia di Wishi i komo
tal a sirbi masha hopi pastor den nan tarea pastoral.
Despues di morto di Pastor Danilo, misa di Wishi a bolbe keda sin
saserdote i tabata depende di saserdotenan ku tabata bini pa hasi
Sakrifisio di misa. Pastor Eduardo ta enkargá ku misa di Wishi pero e
mes no ta biba den Parokia di Wishi pero na Parokia di Santa Maria.
Preparashon selebrashon di 85 aña di Misa di
Wishi
Apesar ku Wishi no tin Pastor permanente e preparashon pa selebrá
e fiesta di 85 aña a kana masha bon. Dia 22 di febrüari lo tin un
misa Pontifikal selebrá pa Mgr. Luis Secco pa konmemorá e bunita
logro aki. Un komishon special bou di guia di sr. Ciro Jansen ta
koordinando tur e aktividatnan i a organisá aña pasa na e diferente
skolnan i kasnan di grandi di Wishi un konkurso pa sa kiko ta e
nifikashon di misa di Wishi pa e parokianonan. Masha hopi studiante
i hende grandi a partisipá i frapante ta ku e figura di Pastor Danilo
tabata kore komo un liña kòrá den tur e testimonionan. Esaki sigur
ta indiká kon stima e pastor aki tabata ta.
Plan nan pa futuro
Despues ku e selebrashon di 85 aña misa di Wishi ta tras di lomba
e komishon Parokial lo bai sinta huntu ku Obispado pa mira kiko ta
e posibilidat pa haña un pastor permanente i ku lo ta bai biba tambe
na Wishi. Pa komishon Parokial esaki ta e punto mas importante ku
tin ku traha riba dje.
Huntu ku esei tambe mester ban traha masha duru kon ta bai kombatí
“komehein” ku ta asotando e misa promé ku ta demasiado lat.
Parokianonan di Wishi masha pabien ku boso Misa. Na e komishon
Parokial hopi forsa den ehekushon di boso tarea na benefisio di Misa
di Wishi. E no ta fásil pero ku poder di Dios lo boso logra sigur.
Un parti grandi di lokual ta distribí den e relato aki ta saka for di
e buki relashoná ku selebrashon 75 aña misa di Wishi. Tambe un
danki na Sra. Yvonne Amerikaan pa diferente portrèt ku e a fasilitá
ku ta forma parti di e publikashon aki.
