Page 27 - EXTRA20FEB2016

Djasabra 20 Febrüari 2016 27

Not’é riba bòrchi

Aki nos ta mira tras di kòrtina na Eligia Martir. E hóbennan preparando pa sali bai marcha den karnaval di tiner. E ambiente
den kaya ta un kos, pero e preparashon i trabou di dias den union ta otro proseso importante ku ta yuda forma nos hóbennan.

Den agènda

Fakansi di skol
• 24 mart t/k 1 aprel 2016
• 25 aprel t/k 8 aprel 2016

Mi ta konta

Fraklin a drenta un cafe bar i a
pidi 3 serbes. El a sinta i pa burt
tabata dal un slòk for di kada bòter.
E bar tender i otronan den e bar
tabata blo ta opservé ku asombro.
Ora el a kaba tur tres bòter el a
bolbe bai na bar i a bestèl 3 bòter di
serbes mas. E bar tender a ofresé un
solushon. “Ki hubo mener paga tur 3
serbes mesora i asina esun kaba mi
ta trese e siguiente, te ora kompletá
3 bòter?”

Franklin: “No, no ta paso mi
tin un ruman hómber ta biba na
Hulanda i un na Merka. Nos a
primintí otro ku pa nos kòrda riba
nos tempunan huntu nos kada un lo
bai un cafe djabièrne i pidi 3 bòter di
serbes. Nos lo dal un slòk di tur tres
bòter tras di otro pa asina nos bebe
pa nos tres. Nan ta hasie na nan pais
i ami naturalmente aki.”

E bar tender a keda asombrá di
e historia, pero el a gusta ku e idea
masha di e 3 rumannan. Asina
Franklin a keda bin tur djabìerne
mitar di 6 di atardi i ta pidi 2 round
di 3 serbes kada biaha.

Riba un dia Franklin a yega i
a pidi 2 serbes. Tur hende a keda
straño pero nan a respetá. Nan a
lague trankil pa e dil ku su problema.
Despues di un ratu el a yega na bar
i pidi atrobe 2 serbes. Mesora e
bar tender a duné su 2 serbesnan
i a bise:”Ta duel mi masha di bo
pèrdida, hopi forsa.”

Franklin a bira wak e tur
konfundí, despues el a komprondé e
remarke. El a grita hari i a kontestá:
No, mi rumannan tur ta bon. Ta ami
a disidí di stòp di bebe.”