Page 30 - EXTRA20FEB2016

30 Djasabra 20 Febrüari 2016

E AWA DI BIDA I E PRENS BALENTE

Amiguitunan ke tal. felis djasabra i bonbini den un edishon mas di pagina
di mucha. Bo tin gana di lesa kon un prens yòn a drenta un kueba i reskatá un
prinsesa? Wel ban lesa ku tante.

Tres prínsipe hóben tabata mira kon su tata, e rei, tabata sufri riba kama komo
ku e tabata malu. Ni e miho kuranderonan di e region no por a sana e hòmber. Nada
por a dun’é su sonrisa bek.
Un dia, miéntras e tres muchanan tabata kana tristu den palasio, una ansiano
bisti ku paña tur kibra a yega. Mesora, e prínsipenan kier a sak’e di akinan.
“Mi a tende ku boso tata ta malu. Pero desde awor mi ta bisa ku e uniko ku por
sane ta awa di bida. Bai buska esaki pronto i bo por salbe”.
Despues di tende e palabranan di e ansiano, e rumannan a yena di speransa. E
mayoria di nan a Sali rápidamente riba kabai i a Sali di e kastel ku ful velosidat.
“Si mi haña awa di bida, mi ta gana e fabor di mi tata pa bira rein”. Asina e prinsipe
tabata bisa miéntras el a drenta den mondi. Net na e momentu ei el a topa ku un elf
ku tabata krusando kaminda.
“Unda bo ta bayendo ku tantu pura asina mucha hòmber”, e kriatura a puntra.
“No kansami, hala for di mi kaminda”. Asina e prinsipe a bisa sin para e kabai.
E orei e elf a rabia asina hopi ku el a pone un maldishon riba e prens. Segun tempu
tabata pasa, e segundo di e rumannan a kuminsá bira impasiente. “Si mi haña awa
di bida mi tata lo koronámi komo rei”. Asina e otro prens a murmura. Atrobe e elf a
krusa riba e kaminda di e segundo ruman.
“Unda bo ta bai ku asina tantu velosidat”.
“Hala for di mi kaminda, mi no tin tempu pa pregunta”. Asina e di dos ruman a
kontesta.
I asina el a sigui kore. E elf ku a bolbe rabia pa aktitut di e prínsipe a bolbe lansa
un maldishon riba e prens aki, pa asina e perde den mondi.
Vários ora despues, esun mas chiki di e prensnan a preokupá pa su rumannan
komo ku ainda nan no a regresa ku e awa di bida pa su tata malu. Sin pensa dos
biaha el a subi kabai i dirigi pa e mondi. Sigur, meskos ku e otronan, e elf a mira e
prens chikitu aki tambe krusa riba su kaminda.
“Unda bo ta bayendo mucha hòmber i dikon ku un velosidat asina haltu”.
“Mi ta buskando e awa di bida pa mi tata malu, abo sa unda mi por haña esei?”.
“Klaro ku si”, e elf a bisa kua legria di mira un ku hende a trat’é ku amabilidat. “Bo mester buska esaki den kueba. Pero tene kuidou
paso tin un ber grandi ta protehá entrada di esaki.
“Kon mi hasi e ora ei”, e prens a puntra.
Tuma e pan aki, duna e ber i bo por drenta e kueba. Promé ku e ber kaba di kome bo mester Sali si. Hasi lihé.
I asina el a hasi. E prínsipe mas hóben a sigui kaminda indiká pa e elf i algun ora despues el a yega e kueba. Manera el a wòrdu atvertí,e
ber tabata drumi nèt na entrada. E tabata un animal enorme ku un mirada furioso, pero e prinsipe a hasi tur loke e elf a bisé pa hasi.
Na momentu ku el a tira e pan pa e ber, esaki a debora e pan i e prínsipe a hasi lihe pa drenta e kueba. Tur kos tabata skur na e luga,
pero di leu por a mira un lus ta Sali, i e hóben no a tarda pa yena e awa mágiko aki den un boter chikitu ku e tabatin.
Algu promé ku el a Sali, e prens atende un bos ku tabata bini desde leu. E tabata bos di un mucha muhé bunita ku kabei largu i blont
te na suela.
“ken abo ta”, e prens a puntra.
“Mi ta un prinsesa ku a keda pega den e keuba aki. Porfabor yudami”.
Na e momentu ei e prens a kòrda ku e no tabatin masha tempu, paso e ber tabata kasi kla ku e pan. El a sunchi man di e mucha muhé
i a primintí di regresá pa busk’é i a salu di e kueba. Ora e tabata den e mondi atrobe, el a bolbe mira e elf.
Amigu elf, mi mester yamabu danki pa tur bo konsehonan, segun e prens indiká ku un sonrisa riba su kara. Awor mi
tabata por bebe di e awa i krua pa semper.
“Mi ta kontentu hobensito”.
“Awor mi ta preokupá pa mi rumannan, mi kier pa nan bolbe bek kas kumi pa asina
selebrá e bon notisia”.
“No prekupá bo mes. Bo rumannan a haña un kastigu hustu, ora bo yega e palasio ku
bo tata bo lo haña nan huntu ku b tata.
Kontentu pa e bondat di e elf, e prens a sigui su kaminda pa e kastel. E tata a bebe e
awa i el a rekuperá mesora.
Anochi a famia real a hasi un fiesta grandi pa selebrá sanshon di e rei. Sin embargo,
e menor di e tres prensnan n tabata kontentu i ora a puntr’é , el a splika nan tokante e
kaso di e mucha muhé bunita pega den e kueba.
E rumannan a sinti envidia, i nan kier a Sali pa reskatá e mucha muhé aki, pa kasa
kuné. Den skuridat di anochi, e dos prínsipenan a Sali riba kaminda direkshon di e kueba
pero a lubidá ku e ber ta drumi na entrada di esaki.
Ora e ber a mira nan, el a dal un gritu feros i e rumannan mester a Sali i hui morto di
miedu. Algun tempu despues, e prens chiki i balente a yega. E tabata sa ku e ber gusta
pan pues el a pinta un pedra kolo blanku, el a mara esaki ku un kuèrdè largu i a lansa
esaki direkshon di e ber.
E bestia no por a resistí tentashon i a Sali koriendo enbuska di e supuesto pan. Pero
a kabai di e prens a kuminsá kore ku e piedra mara na su kurpa miéntras e ber tabata
persiguié inutilmente. Na momentu ku e entrada tabata liber porfin, e hóben a drenta
paden.
Finalmente e por a reskata e prinsesa i despues di a yega, tur hende tabata masha
impreshoná kon balente e prensa mas chikí di tu e otronan tabata. E hóbennan a kasa
despues, i asina nan a biba felis pa semper.