Page 21 - EXTRA20FEB2016

Djasabra 20 Febrüari 2016 21

peliger di desviá den nan mishon religioso i nan obligashon pastoral. E
tabata apesar di su edat hóben un ehèmpel pa masha hopi hende muhé
dor di su simplesa i amor pa su Kreador.
Na 1981 Pastor Grairel Lopez a pidi Mgr. Ellis outorisashon pa huntu
ku Santa Theresita tambe nombra Hesus Miserikòrdioso komo Patrono
di Misa di Wishi. Mgr. Ellis a duna pèrmit I ku esei Misa di Wishi tin
dos Patrono den persona di Santa Theresita i Hesus Miserikòrdioso.,
algu ku ta úniko den nos misanan aki den nos Obispado.

Personanan konosí di Misa di Wishi

Durante di su 85 aña di eksistensia misa di Wishi a konosé un total di 24
pastor di kual esunnan mas konosí tabata Pastor Vincent Jansen, Leo van
Dijk, Cornelis Streefkerk, Humphrey Paulino, Stanislau Cupac, Ronald
Kiban I Danilo Morales . E pastornan aki sigur a hasi hopi impreshon
riba e parokianonan.
Parokianonan ta rekordá Pastor Cupac komo e Pastor ku no tabata tin
problema pa e dobla su manga di kamisa i traha pareu ku e trahadónan.
A bai asina leu ku un biaha durante di trabou riba dak e a kai i a resultá
te den hospital. E a primintí ku si tur kos bai bon kuné e lo regalá misa,
for di su mes saku un kuadro di Hesus Miserikòrdioso. E a kumpli
tambe, despues di a sali for di hospital.
Pastor Ronald Kiban kende ta aktualmente Pastor di Brievengat a
traha na misa di Wishi durante di su estudio pa bira saserdote. Apesar
di desendensia di Sürnam e por a komuniká masha bon mes ku e
parokianonan. E ta esun ku a organisá hopi aktividat di balor permanente
pa misa di Wishi. Dia 2 di aprel 2005 e a wòrdu ordená komo saserdote
i dia 3 di aprel e a hasi su promé misa ofisial komo saserdote den misa
di Wishi. Pastor Kiban tabata tin hopi plan pa ku misa di Wishi pero na
yüni 2005 e a wòrdu transladá pa misa di Santa Maria/ Seru Fortuna.
E a wòrdu sigui pa Pastor Danilo Morales kende te na su morto tabata
Pastor di misa di Wishi.

Un saserdote hopi konosí ku tabata bida na misa di Wishi tabata Pader

Oeverhaus. E tabata duna lès di “Godsdienst” na Maria College I Maria

Inmaculata Lyceum. Mester remarká ku den tempu di Gloria di misa di

Wishi tempu ku tabata tin bastante saserdote den Obispado , diferente

saserdote a biba komo Kapelan na misa di Wishi. Mgr. Wim Ellis mes

tabata un di nan ku a bida komo Kapelan na Wishi.

Pastor Danilo Morales

E morto repentino di Pastor Danilo a kousa un shòk hopi grandi den

e parokianonan di misa di Wishi.

Nan a konsiderá su morto

komo un gran

pèrdida i un sla grandi

pa e parokia. E tabata

masha stima i a nifiká

masha hopi mes pa e