Page 41 - EXTRA20FEB2016

Djasabra 20 Febrüari 2016 41
...Segun Lider Polítiko
di Partido Pro Kòrsou,

Ivar Asjes…

NO POR sigUi
WARDA MAS ku
DESISHON ribA
KONSESHON DI

WILLEMSTAD.- Pa algun
tempu kaba ta konosí ku
mester hasi invershonnan
urgente i kuantioso pa kumpra
krannan nobo i moderno pa
usa speshalmente den e haf di
kònteiner i hasi mantenshon
rigoroso na otro fasilidatnan
den haf di Schottegat. Partido
Pro Kòrsou a keda aserká
pa diferente trahadó ku ta
gana nan pan di kada dia ku
aktividatnan den i rondó di
haf ku ta sumamente prekupá.
Partido Pro Kòrsou ta lamentá
huntu ku e trahadónan aki
ku, debí ku te ainda no a
tuma desishon, entretantu e
krannan aktual ta defisiente
i ta stroba e dunamentu
di servisio na klientenan i
operashon normal den nos
haf prinsipal. E situashon
aktual mas i mas ta perhudiká
ekonomia di Kòrsou i ta
sumamente iresponsabel
pa laga esaki pèrdurá. Pa e
motibu aki, Partido Pro Kòrsou
ta hasi un apelashon urgente
riba tur e partidonan enbolbí
pa laga sano huisio prevalesé
i mas lihé posibel yega na un
akuerdo ku ta na interes di
Pueblo di Kòrsou.

Segun Lider Polítiko di
Partido Pro Kòrsou, Ivar Asjes,
nos hafnan ta rekursonan
natural úniko ku un potensial
enorme pa fasilitá un
desaroyo ekonómiko aselerá
ku por krea hopi kupo di
trabou. Ta p’esei en bes di
sigui diskutí mester aktua
rápido i tuma un desishon
riba e konseshon nobo di
haf. “Miéntras na Kòrsou
parlamentarionan ta sigui
pleita i bringa otro, Aruba
si a logra konstruí un haf di
kònteiner kompletamente
nobo ku ekiponan ultra
modèrno na Barcadera. Ku
nos hafnan adekuadamente
ekipá, Kòrsou lo por posishoná
su mes aun mas fuerte riba
mapa internashonal i generá
un gran kantidat di divisa
adishonal pa nos komunidat.
Ta keda imperativo si pa tuma
un desishon rápido riba e
konseshon nobo pa porfin por
kaba modernisá e fasilidatnan
den haf di Schottegat,
loke alabes lo habri e
oportunidat pa realisá tambe
e invershonnan nesesario na
entre otro Bullenbaai”, asina
Asjes di Partido Pro Kòrsou a
indiká.