Page 69 - MIN VOS

A18 deporte
Diabierna 29 September 2017
Delegacion Aruba celebrando apertura Weganan Sur Americano hubenil

SANTIAGO - Diahuebs merdia, e delegacion Arubano
cu ta participa na e Weganan Sur Americano Hubenil
Santiago 2017 a keda oficialmente yama bon bini na
Santiago de Chile.

E delegacion di atletanan ta consisti di Keeley Maduro, Anahi
Schreuders, Sophia Petrocchi, Chiara Petrocchi, Giannon
Eights, Ching Ho Chung, Jeandry Mathilda, Frederick Sy-
dow, Patrick Sydow, Brandon Cheong y Daniel Jacobs.

Den e Parke Olimpico di Chile cerca di e Estadio Nacional
Julio Martinez a tene e tradicional ceremonia di bandera unda
tur e paisnan participante na e 2do Juegos de la Juventud San-
tiago 2017. Na e weganan aki e 14 paisnan di e continente
Sur America lo bataya den e 20 deportenan unda mas cu 1500
atleta den e edad di 14 – 17 aña lo competi. E ciudad anfitrion
Santiago y su hendenan a yama bon bini na henter nos delega-
cion di atleta, coach y dirigentenan, segun e relato di Comite
Olimpico Aruba.

“Mester bisa cu pa Aruba, e staf di coachnan hunto cu e staf
medico y tecnico a presenta na e ceremonia di bandera mi-
rando cu e atletanan lo yega diahuebs den oranan di anochi
laat na e ciudad di Santiago for di Panama. Presente hunto
e delegacion nos por a mira presidente di COA, Roy Mezas
y miembro di directiva di COA, Menno Vinck.” Despues di
a hisa nos bandera acompaña pa nos himno, hefe di mision
Kamilah Dammers-Naddall a intercambia regalo cu Michael
Black kende ta e director ehecutivo di e Weganan Sur Ameri-
cano Hubenil Santiago.

Advertorial
Campeonato di Softball

organisa pa Cerbes

Mahou y Novatos

ORANJESTAD – Copa San Nicolas 2017 lo cuminsa
awe pa 6or di atardi na veld di Madushi Stars Ballpark.
Patrocinado principal di e copa aki ta e Cerbes Mahou
hunto cu e team di Softball Novatos ta organisa un tre-
mendo campeonato cu lo tin un duracion di 5 siman pa
e copa San Nicolas 2017.

Diabierna awor 29 di september 2017 e campeonato ta cum-
insa pa 6or cu desfile di e diferente team nan cu lo participa.
Cu lo ta e siguiente team nan Novatos, Presidente, Crush
Power, MVP, Bad Devels, Gators, Biediem, Cuadirikiri, No
Papia Nada, Who’s Next, Family Ranch, No Papia Actua,
y Cura Cabay. For di aki nos ta invita pueblo en general y
amante di Softball pa bin apoya bo team ya cu e prome wega
ta cuminsa pa 7pm di anochi. Campeonato ta termina dia 4
y 5 di november nos ta warda bo na Madushi Stars Ballpark.