Page 15 - AHATA

8 LOCAL AWEMainta Diahuebs, 25 September 2025

Celebra cu JOIA Aruba Y Tierra del Sol

E temporada di mas dushi y anhela ta acer-
cando y pa es motibo aki tambe JOIA Aruba
by Iberostar y Tierra del Sol a presenta
varios opcion pa celebra e temporada di

pasco y aña nobo na un manera festivo cu
un toke di elegancia.

Recientemente a tuma luga un ‘Christmas

Showcase’ den e ballroom di Tierra del
Sol unda conhuntamente cu JOIA Aruba
a presenta varios pakete y setup como
opcion pa celebracion di pasco y aña nobo

cu bo compania. Varios compania corpo-
rativo cu tabata presente por a admira
varios setup di mesa decora completa-
mente den diferente color, toke di elegancia

y tema pa cumpli cu deseo y gusto di cada
persona.

E paketenan ta consisti di un estilo ‘mix

and match’ unda cu cada compania por
scoge nan color, nan propio estilo y setup
cu ta na alcance di tur budget. Tambe tin
varios pakete di menu navideño cu por

ser adapta na gusto. E temanan cu a ser
presenta tabata: “Snow & Champagne”,
“Starlight Soirée”, “Vintage Golf
Christmas” y “Winterfrost “, pero e ekipo

di evento ta cla pa crea combinacion cu
cada compania ta desea.

E paketenan navideño ta cuminsa pa

gruponan di minimo 20 persona. Pa
gruponan menos cu 20 persona tambe ta
posibel y cu gusto e ekipo di evento lo sa
di coordina esaki. Na JOIA Aruba tin varios

opcion pa haci bo cena navideño of fiesta
corporativo, por ehempel tin Zima Rooftop
Bar den aire ilumina pa streanan, of den
ballroom. Na Tierra del Sol tin opcion haci

esaki den e hardin of den ballroom, pues
opcion tin suficiente pa crea un anochi
magico.

Pa haci un reservacion of cita, por semper
tuma contacto cu nos ekipo di evento,
Ethlyn Castilo na ebagr1@iberostar.
com of Emilio Geerman na tdsgr1@ibero-

star.com. Laga JOIA Aruba of Tierra del
Sol encarga di bo celebracion special.