Page 17 - bon-dia-aruba-20210527

a17
celebridad Diahuebs 27 Mei 2021

E reunion hopi spera di “Friends”

(AP) - Como clausura pa e “Friend’s” reunion di HBO MAX, James
corden, ken tabata e anfitrion di e evento, a bisa e 6 actor pa imagina
con e bida nan personahe lo ta awe.

Chandler y Monica lo ta casa mescos cu Rachel y Ross, cu yiunan tambe.
Phoebe tambe lo a casa, e unico misterio tabata Joey, e personahe di Matt
LeBlanc, cual el a contesta bisando “e lo a probablemente habri un negoshi di
bende pan na ‘venice beach’ “ Matt a bisa.

Na e momento ey e fanaticonan a cubri di un sentimento di decepcion. Con
impresionante y nostalgico e lo a sinti pa por mira bo personahenan faborito
añanan despues cu e serie a caba.

En realidad, ta esey ta loke ta importa ora di reuni cu amistadnan cu ta prac-
ticamente manera un famia. Tur e preguntanan ta cuminsa bin ariba, con tur
hende su bida a resulta, ken a cumpli nan soño nan, y hopi pregunta mas.

Tin hopi motibonan dicon e personanan envolvi no a tuma e ruta aki, di mus-
tra e fanaticonan di e siere con e bida di e personahe nan a sigui despues di e
ananan, pasobra tin e riesgo di desapunta e fanaticonan, hibando e storia unda
cu nan no lo gusta of kier. Ya cu un final feliz por ser interpreta den diferente
manera.
Actriz Lisa Kudrow, ken ta duna bida na e personahe Phoebe, a comenta cu
e creadornan di e serie Marta Kauffman y David Crane, a yega di bisa cu nan
a traha hopi duro pa por duna e personahe nan un final satisfactorio pa tur
hende. Desde cu e serie a caba den aña 2004, e no a yega di pensa riba trece e
personahe aki na bida bek. “Mi no kier pa niun di e personahe nan su storia tin
su final feliz, pasobra esey ta ilustra cu tin un final.” Lisa ta comenta.

Na luga di tin un final, e storia ta keda ripiti su mes pa semper, mirando cu
HBO Max a regresa e serie y ta pasando e aworaki.

E reunion a retrasa pa casi un aña, debi na e pandemia di COVID-19. Cada
un di e actornan a ricibi 2,5 miyon dollar pa nan apariencia den e reunion. E
actornan Kudrow, LeBlanc, Aniston, Cox, Perry y Schwimmer a revela na e
audiencia cu esaki tabata solamente e di dos biaha cu nan tur a reuni despues
di a graba e final di e serie den aña 2004.

E tin un apertura hopi efectivo. E porta ta habri, revelando e set unda cu e
serie “Friends” a tuma luga y Schwimmer ta drenta, sigui pa Kudrow, Aniston,
LeBlanc, Cox y finalmente Perry. Anniston y Cox a haya papel pa por seca nan
lagrima.

“Ainda courteney tin su frase nan skirbi riba e mesa?” LeBlanc ta puntra, reve-
lando un secreto di e actris. Asina ta cuminsa e programa, unda cu pa 2 ora
largo, nan a recorda tur e momento nan cu nan a biba cu otro grabando e serie,
hunto cu aparicion nan di celebridadnan cu tambe a haci aparicion den e serie.
Maggie Wheeler, ken a duna bida na e personahe di JAnice, a conta con Perry
a inspira su hari iconico.

Corden a puntra e actornan si na algun momento algun di nan a yega di tin
un romance cu otro, y na e momento aki Aniston a revela cu e y Schwimmer
tabata tin un atraccion mutuo pa otro cu nunca a consuma den e prome tem-
porada. “Nos a entrega tur e amor y admiracion cu nos tabata sinti pa otro na
nos personahenan, y nan a haci e trabou pa nos” Schwimmer ta agrega.

Den un manera inspira, e actornan a revivi e escena romantico den e cafeteria
iconico di e serie, y a bolbe actua esaki atrobe pa e audiencia y e televidentenan.
Corden, ken tabata untiki hopi reserva, a comenta cu e “no por splica con
grandi e honor” di ta sinta hunto cu e actornan di un su serienan faborito ta,
“dilanti e fontein iconico unda cu e apertura di e serie tabata”, pero e biaha aki
sin bula den e fontein.

Mientras cu e reunion a ofrece hari, lagrima y momentonan inolvidabel, despu-
es cu Justin Bieber a haci su aparicion den e vestuario di batata cu Schwimmer
a bisti pa halloween den e serie, e reunion a yega na un evento repetitivo, y
esaki ta unda cu e fanaticonan y audencia a sinti e decepcion.

Pa motibo cu si bo mira bon, e reunion aki tabata un di e reunionnan mas spe-
ra ya cu “Friends” tabata un serie sumamente popular, sinembargo e reunion
no a brinda nada diferente cu cualkier otro reunion di otro serie nan comun,
cu hopi a mira caba y te hasta a lubida di nan.

“Nos no ta bay haci e mesun reunion aki den 15 aña” Cox a bisa, purbando
di enfatisa e creatividad di e reunion, prome cu el a dirigi su mes na su com-
pañeronan bisando “pero nos no lo warda asina hopi pa por tin un reunion
atrobe”
Y esaki ta algo di cual nos tur lo kier forma parti di dje.